Ijoovu 4:3 - IWE ỌNỊNỊ

³ Ọ kà Ijoovu ọ tamayị aza ọrụrụ-ọrụrụ ọnị ịrẹyị ọnị ọ ka yị wa raa tụ wa ọtụtụrụma.

Ijoovu 4:3 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ẹzịra 6:22

Ẹkụhị ịhịmba ẹ̀ sị tịtẹ rị eche akara ẹnẹ ẹ yị nyị owu nị. Dị avaba aza aa jẹ ịrajẹ agụvị ka Ẹnẹyịmavara ọ raà mẹ wa ayị ohinẹ. Ộ mẹ ka ohinọyị Asiriya ọ̀ gụ wa ụvọ ịnị ụkọrọ irehi Ohomorihi Anisirẹrị ọnị e tenyi dà.

Ijoovu 16:5

Ama àa vị ọnị yọ nị, ọnị aa tụ ọ ọtụtụrụma dị ọnị ka ịrẹyị ana vaa sị ayị nẹtẹ.

Ijoovu 29:11

Ọza tụra ọza ene re ọnị a vị dị ọ wụ́ ịrẹyị anị vị anaa ka ọyịza anị.

Ijoovu 29:15

Ijoovu ka ọnị vị eyi yị ogweyi, dị ọnị rẹ vị ahụ yị oswahụ nị.

Ijoovu 29:16

Ọnị ọ vị ada yị aza ẹnẹẹ yị nyị, dị ọnị aa dọ ịrẹvụ ọzọga vụ nị.

Ijoovu 29:21

Aza vị anaā jẹẹ dị ẹ wụ́ ịrẹyị anị, di e ku irenu ka ẹnị ẹ wụ ajuwe anị.

Ijoovu 4:4

Ịrẹyị ọnị ọọ ka yị aza vị ana hụ aza ayọvị, dị ọ tụ ọkụmị ụka nị.

Ụhịrẹyị 10:21

Aza ọrụrụ-ọrụrụ aa rị aha ịrẹyị ọza ọyịza nị, ama ụra ọnụra ọọ wụ ọ nị.

Ụhịrẹyị 15:7

Aza ẹ mā kọ ịrẹyọyẹ hụụnị ụvọ ọnụra, ịnị ụvọ aza ana yẹ ịrẹyị aa kọsẹ ịrẹyọyẹ nị.

Ụhịrẹyị 16:21

Ịrẹyị ọyị yara ka vị anaa sị ịrẹyọyẹ zụ. Ẹngụ ịrẹyị ọnọọ vị anaā dọ ọza ayị.

Ayịsaya 35:3

Tụ́ aza ọnị ọ sị ngụ ẹngụ ọtụtụrụma. Sị ụkata yị aza ana vaa hyẹdụ ka ẹ̀ jẹẹ.

Ayịsaya 50:4

Ayịsaya ka, Ẹnẹyịmavara ọga ộ raà sị ịrẹyị zụ ọnị agụvị ọnị ọ yara tụ ọza ọnị ọ ngụ ẹngụ ọtụtụrụma. Ẹnẹnẹnẹ ọọ̄ mẹ̀ ka ọnị ọ kụ ẹngụ hi ọyị kọsẹ ịrẹyị ana aa sị zụ ọnị nị.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

Ịzẹhwanaya 3:16

Ụmẹ aa vẹ ọnị a vaa kà yị Anijerusarẹmị ka asị ẹnịnị rẹ hụrẹ ayịnẹ, dị asị ẹ va ẹngụ hii.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

Iruuku 22:43

[Dị anggẹẹrị ọnya hụrẹ ẹbẹẹba vẹ, di o ve tù ọọ, dị ọ sị ụkata yọ nị.

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Iwe Ọhụhị Imosiisi ana aa hị́ Ọyịvatụrọda 3:28

Ọ kà yị Ijosuwa, dị ọ tụ́ ọ ọtụtụrụma agụvị ka ọnị vaa kụ́ aza jịnẹ irehu Ijodani naa dọ ẹtẹ ọnị Imosiisi ee re avọọ nị.

Anikorasi 4:6

Re ka waa sị ịrẹyọyẹẹ kà ịrẹyịị yị aza, dị ịrẹyị awụ nịnị òo hine aza. Ọza ana àa họ̀ wụ nịnị use ịrẹyị, yẹ ụ mẹmẹẹ tụ́ ọọ ohi nịnị.

Anihiburu 12:12

Ụvọ awụ nịnị ana sị kata, re ka wáa sị ụkata yọ nịnị! Idinku awụ nịnị ana rẹ sị kata, re ka wáa mẹ ka ọ̀ rẹ nyị ụkata nịnị!