Ijoovu 38:5 - IWE ỌNỊNỊ

⁵ Ẹnẹ ẹ ka a mẹ vọrọ ka ẹhẹ ọ gana? Ẹnẹ ẹ tana ịsa ana a sị mọ́ ọ?

Ijoovu 38:5 ပူးပေါင်းရင်းမြစ်များ

Ijoovu 11:9

Avọọ ịrẹyọyẹ anị mẹ rẹ gana huni ẹtẹ ọnịrị oku nị.

Ijoovu 28:25

Ohomorihi ọ sị ẹhụ ụkata ahị yọ, dị ọ mẹ ẹhụ ụrụrụ enyi yọ nị.

Ijoovu 34:13

Ẹnẹ ka ọnị ọ sị ụkata yị Ohomorihi nị? Ẹnẹ kà ọnị ọ sị Ohomorihi ka ọ̀ sị eyi pe ẹhẹ nị?

Ahẹ Ụgama 19:4

Ama ịrẹyị ẹnịnị ê tù ịzị ẹhẹ tù Mị ka avaba ẹhẹ ệ wụ́ ọ ịsa ẹnị ẹ yaa kà

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Ụhịrẹyị 8:27

Ộ ka ọnị yà ịzọọ ụmẹ ana a sị mẹ̀ ẹbẹẹba ọnịrị ụmẹ ana a tẹ̀ ẹhwị ịzị oku nịnị vaa gana naa za.

Ụhịrẹyị 8:29

Dị ọ mẹ ọda yị enyi ịnị oku ka asị ọ kụkụ hi ẹtẹ huna ọpa ọnị ọnị ka nị. Ộ ka eyi anị Ohomorihi ka ẹhẹ ẹtẹ nị.

Ayịsaya 34:11

Inomi edivi irenyi-irenyi e venee hi ịzọọ nị. Ohomorihi vị ana vaa vara ẹtẹ Anedomi ẹtẹ ọpaapara ana ahịka ẹ yị nyị ịsị ọ zụ mẹ.

Ayịsaya 40:12

Áá nyị ọza ana nyẹngụ sị ụvọta anị mọ̄ enyi ini òkū dị ọ yẹ ọ mẹmẹ rụrụ a vị dị ọ sị ụvọ mọ̄ eguhi dị ọ yẹ ọ mẹmẹ gana? Áá nyị ọza ana nyẹngụ sị aku za èzi ene hi ịrẹsụ ẹtẹ a vị dị ọza ọ ịngọ ngọ ataba ọnịrị otutu nini dị ọ yẹ ẹ mẹmẹ rata?

Ayịsaya 40:22

Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị ẹbẹẹba ẹteesu ọnịrị eguhi. Ẹyị aza ana ya ịrẹsụ ẹtẹ vi ene weyi anka ihine avọọ. Ọnị ọ́ gana eguhi anka ịta anaā sịị jị oze avọọ nị. Ọ gana a anka ajẹngụ ana aā ra ịnị anị avọọ nị.

2 Anịkọrịntị 10:16

Dị ya zụ kà enube ọyịza ịnị ẹkụra ana yà akẹnẹ awụ nịnị. Ẹ yị nyị ka ya sị ụkọrọ ọnị ọza ẹnẹsa sị mẹ, di ye sii wo oto.

1 Ịsamụwẹrị 2:8

Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.