Ijoovu 3:5 - IWE ỌNỊNỊ

⁵ Etohozi ruma-ruma ọnịrị eguhi o vu ọ hi ẹngụ. Ịhị ọnọọ o chire ọza angwa.

Ijoovu 3:5 ပူးပေါင်းရင်းမြစ်များ

Ijoovu 16:16

Ọnị ọ jị òrèrè pooro dị eyi anị ee vi, di eyi anị wu guugu nị.

Ijoovu 24:17

Ịrahụ o zee wa eyi huu ọọdụ agụvị ka ẹnịrị angwa ịrahụ vị ọta.

Ijoovu 28:3

Anụkọrọ anaā ba enyusẹ ẹnẹnị vị ana aā sị ịrakotupa ngụ ịnịnẹ ịnị etohozi ruma-ruma nee si wa.

Ijoovu 3:4

Ẹkụhị ọnọọ ọ vara etohozi. Asị Ohomorihi za a ịrịka vaka ẹkụhị ana vọ. Etohozi ọ za a rị.

Ijoovu 3:6

A sị ịrahụ ọnọọ hụụnị ụmẹ ene hi ịnị ịrayị. Asị a vana za ịrịka beri ẹkụhị ene hi ịnị ụhwẹ ịnị ịrayị.

Ijoovu 34:22

Ẹ yị nyị ịrahụ me hozi, ana nyẹngụ sị ọnịvị tẹ̀ yị Ohomorihi.

Ijoovu 38:17

Óó re oze ịda aneku ịzị aza ene su hi daa?

Ahẹ Ụgama 107:10

Aza ẹnyị vi ene hi ịnị ẹngwa, dị ụya aa rị wa, dị ẹhẹ ẹnịnị kụkụ vị ịrahụ chakuu. A raà tụ́ wa ẹba.

Ahẹ Ụgama 107:14

Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.

Ahẹ Ụgama 23:4

Màa daka a zị ụsẹ aha odivi ịnị ụmẹ odivi me yi vee hí angwa ka â nyị ịsa odivi ana vaa mẹ mị Mâ yẹ ka Ohomorihi vị ana yà pè mi Arubebe anị ọnịrị okutẹ anị eni eē sii sere mi ọ̀ sị ayị amị nẹtẹ.

Ahẹ Ụgama 44:19

Ama wâ za yị wâ pa ịva yị, dị ụ vara ẹkụra ayị ịzị uye ediviī hi nị dị ụ kụkụ navọ yị hi ịnị ịrahụ nị.

Ayịsaya 9:2

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ezikẹẹrị 30:3

Ẹkụhị ọnị Ẹnẹyịmavara vaa sị mẹ ịrẹyị ọ sị gụrị ẹtẹ. Ẹkụhị ọnị ịsa ọrụrụ-ọrụrụ vee du, dị ọ vị ẹngụkata yị ẹkụra ọrụrụ-ọrụrụ ọ́ vị̀ nị.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Emọsị 5:8

Ẹnẹyịmavara ọnị ọ mẹ̀ ụzọmị nịnị nị. Ọnị ọ mẹ oserụhwẹ ọnịrị ụhwaazị nị, ọnị ọọ̄ vara etohozi eyọnị, dị ẹtohweyi vara ịrahụ nị. Ọnị o tụra enyi hụụnị oku vaa hịrẹ, dị ọ zwọ ọ orihi chi vẹ hi ẹtẹ nị.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Iruuku 1:79

Ọ vaa sị ẹtohweyi yị aza ene hi ịnị ịrahụ, dị ẹ yà ịnị ụvọ isu. Ọ vaa zụ̀ yị oze ẹngwọọrọ.”

Iwe Ọhụhị Imosiisi ana aa hị́ Ọyịvatụrọda 4:11

Anisirẹrị ẹ ka ẹ yị ezi ẹnịnị ẹnị mẹmẹ jẹẹ iruvo ataba ene eguhi chire ku, dị o hozi ruma-ruma anka areyi dị ịra aa za na ngụ ẹbẹẹba.

Anihiburu 12:18

Ẹ yị vị ataba (Ịsịnayị) ọnị ọza zụ sị ụvọ kanyị, ụ jẹẹ pe nịnị (anka Anisirẹrị nịnị ịyẹẹyẹ). Ịzọọ, ịra aa za giri-giri, ô hozi ruma-ruma, ẹ yị nyị ẹtohweyi vụrụ-vụrụ, dị ahị aa tụ́ kukuku nị.