Ijoovu 3:13 - IWE ỌNỊNỊ

¹³ Ọnị ọ̀ọ yaanị su a mẹ ma ọnị kẹnẹ, ọ yaanị sị rọ ọnị ẹngụ booro aanị. Ọnị yaanị aa tụ́ ụhwọ́ ini eku aanị.

Ijoovu 3:13 ပူးပေါင်းရင်းမြစ်များ

Ijoovu 10:21

Dị ọnị ọ vaa nọ ịzị ọza ẹ yị mā vavẹ, aha etohozi ruma-ruma.

Ijoovu 10:22

Ịzọọ o hozi huu agẹvịrahụ, dị ọ vị aha ẹvazi nị.

Ijoovu 14:20

Ka Ohomorihi o huuna ẹyị ọza, dị ọ vara ọza eyi dị ọ sị ọ nọ iroo dị anị ta saka-saka.

Ijoovu 16:22

Ịrayị ẹhẹ anị ẹyị nyị ọ ya, dị ọnị o su dị ọ ta.

Ijoovu 17:13

Isu kẹnẹ ọnị kụkụ ee zi eyi dị ọnị ọ na sụ ize hozi nị.

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Ijoovu 19:27

Mi vee re e, dị ọ̀ gụ́ mị. Mị vaa sị eyi amịị re e, ẹ yị vaa vị ọza ẹnẹsa yị mị. Mee zi ẹkụhị ọnọọ eyi ẹtẹẹtẹrẹ.

Ijoovu 21:13

Dị ẹhẹ mẹ yi wa ịnị ẹngwọọrọ, di e su isu hẹẹ.

Ijoovu 21:23

Aza ẹnyị vị ana ra ẹhẹ ọyịza-ọyịza pooro di e ve su. Ịnị ayohine ọnịrị ẹngwọọrọ e su tụ nị.

Ijoovu 21:26

Avaba ẹnịnị vị ene e ne tụ ịnị ẹtẹ, di idegu rị wa.

Ijoovu 24:19

Ẹtọngụra mee tura enyi hụụ ẹtẹ, avọọ uswọọza mẹ va kụ aza ọhịmị nị.

Ijoovu 24:20

Dị ayị ẹnịnị hii, dị ụkata ẹnịnị taa, dị ụpẹngụ ẹnịnị ee hine idegu ọyịrị.

Ijoovu 26:5

Aneku ene hi ini enyi iruvo ẹtẹ vị ana nyayịnẹ ee hí angwa Ohomorihi ịzọọ.

Ijoovu 26:6

Ịdị aneku ẹ yị tẹ yị Ohomorihi Ee re avaba ịsị e hi ịzọọ

Ijoovu 3:12

Sị ẹ vẹ dị ọnyị anị zẹ ka ọnị ọ yara da? Sị ẹ vẹ dị ọ hyakụ ka ọnị ịrẹva kẹ?

Ijoovu 34:22

Ẹ yị nyị ịrahụ me hozi, ana nyẹngụ sị ọnịvị tẹ̀ yị Ohomorihi.

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ezikẹẹrị 32:27

Ọza ẹ́ yị sị ụbanyị yị wa é mee ne wa, anka a mẹ sị ụbanyị yị aza ọkọọka ịyẹẹyẹ ana ahịka ẹnịrị ẹnya ịrẹkụ ẹnịnị e ne nị. Ụhwọ ẹnịnị vị ene e si pe wa ịrẹsụ, dị a sị ogonto ẹnịnị tụra wa. Aza ẹnẹnị ệ vịdị sị ụkata ẹnịnị chire anẹhẹ angwa da o.