Ijoovu 22:12 - IWE ỌNỊNỊ

¹² Ohomorihi ana yara ya ẹbẹẹba kere-kere, dị ọ ve eyi chi ee re ụzọmị ene hi akẹtẹ anị nị.

Ijoovu 22:12 ပူးပေါင်းရင်းမြစ်များ

Ijoovu 11:7

Ọ̀ọ ka ọnị ọ zụ yẹ Ohomorihi mẹmẹ nyị ụbanyị ọnịrị ịzị ọ nyị ụkata na za nị?

Ijoovu 11:8

Ịrẹyọyẹ Ohomorihi ọ nẹba huni ẹbẹẹba dị ọ nyịnẹ huni uruvo ẹtẹ. Sị́ ọ yẹ ọnị ọọ mẹ.

Ijoovu 35:5

Kana eyi ihinẹba di u we re. Re ịzị eguhi nịnị nẹba na za.

Ahẹ Ụgama 115:16

Ẹnẹyịmavara ọ nyị avaba ẹbẹẹba nị. Dị ọ sị ẹhẹ dị ọ sị yị aza nị.

Ahẹ Ụgama 115:3

Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.

Ịrẹyị Ọzwọzịsa 5:1

Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị.

Ịrẹyị Ọzwọzịsa 5:2

Sị ụvọ za irenu awụ, dị asị ụ hụra ka ịrẹyị ọvịdị Ohomorihi; Ohomorihi vị ana ya ẹbẹẹba dị ẹwụ ya ẹhẹ ọnọnị nị; agụvị avọọ asị ụ na kụ ịrẹka gigirigi ọvịdị anị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?