Ijoovu 2:9 - IWE ỌNỊNỊ

⁹ Ịjị ose Ijoovu maanị re ọva anị, dị ọ ka, ịzẹyịza ịsị ọ nyị ọnị kụkụ aa mẹ. Ọ vana dahi ka ọ kụ Ohomorihi ụhụ dị o su.

Ijoovu 2:9 ပူးပေါင်းရင်းမြစ်များ

Oyinyima 3:12

Dị ọnọrụ ọnọọ ka: Aaa vị ọnẹẹ ọnị ọ sị ve pe ọnị tụ́ ịzẹnị ọ sị ẹtụtụ ọchị ọnọọ yị ọnị dị ọnị va rị ọ.

Oyinyima 3:6

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

1 Ohinọyị 11:4

Ịjị Isoromọnị si bo, dị ese anị ẹnẹẹ jesi ọ ayị, dị ọ kụkụ aa dụ orii zi nị. Ayị anị ọ yị kụkụ vị ọnya tụ́ ịda Ẹnẹyịmavara anka ayị Idevidi ada anị mẹ̀ vị ọnya.

2 Ohinọyị 6:33

Ọ maanị ee yii pe wa ka ịrẹyị kẹnẹ, dị ohinọyị va ngụ ịzọọ nị. Ộ vẹ, dị ọ ka, Ẹnẹyịmavara ọ kụ ẹngụkata ọnọnị tu ẹnị nị. Sị ẹ vẹ dị ọnị kụkụ aa jẹẹ zi ọ ka ọ̀ va gụ ẹnị ụvọ?

Ijoovu 1:11

Ẹnẹyịmavara ọ̀ọ dọ Ijoovu avaba ogu ọnị nyị aanị, Ijoovu vị anaa ya eyi anị ka ọhịmị anị.

Ijoovu 2:10

Ama dị Ijoovu tụ ose anị ohi, dị ka asị ọ rẹ ka ịrẹyị anka ọnyẹnẹẹ ẹnẹ yị yẹ ịrẹyị avọọ. Ohomorihi ana sị ọyịza yị ọza ọ rẹ sị odivi vaka vẹ. Ịnị avaba ịsa ene tu Ijoovu, ọ́ yị rẹ va ka ọhịmị Ohomorihi vụrụ-vụrụ.

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 2:5

Ọ kà Ẹnẹyịmavara ọ sị ụvọ kanyị ọchẹngụ anị di ò re, Ijoovu ọ̀ yị rẹ vaa kụ ọ ụhụ eyi anị.

Ijoovu 2:8

Dị Ijoovu yaatẹ ịnị atịtọ dị aa sị urura hụ ẹngụ nị.

Ireevi 24:11

Ọnọrụ ọnị ọnyị anị vị Anisirẹrị aanị ộ kà chire ịrẹha Ẹnẹyịmavara, dị ọ́ kụ̀ ọ ụhụ ẹ́ mẹ vavọọ aa zyaazị nị. Dị ẹnịnị za a ve tu Imosiisi nị. Ịrẹha ọnyị anị ọ rị Iseromiti nị, ozi ọnọrụ ọnya ana aā hị́ Idibiri ana vị Anịdanị ọnyị anị ọnọnị vị nị.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Ọdọvịdị 14:17

Avọọ ọ mẹ jị òrèrè hi Ịsamịsịnị ẹngụ pooro mẹ ẹkụhị ịhịmba ẹnị ẹ sị a mẹ inohine nị. Agụvị ka ộ vavọọ kụ ọ hana a, ịhyẹgwịhịmba anị, dị Ịsamịsịnị ka iruvo ụhị ọnọọ zụ ọ nị. Ịjị ọ sị ọ ka zụ ọ, dị ọ na ka a zụ aza anị nị.