Ijoovu 2:6 - IWE ỌNỊNỊ

⁶ Dị Ẹnẹyịmavara kà ooho! Echu ọ na mẹ ọchẹngụ Ijoovu oo me zee eyi, ama asị ọ dọ ụhwẹ.

Ijoovu 2:6 ပူးပေါင်းရင်းမြစ်များ

2 Ịtọpa 18:21

Dị ọ ka ọnị vaa jịnẹ tụ́ ẹhẹ, dị ọnị na mẹ ka avaba ọnịsẹ Ahabị ee cheeche. Dị Ẹnẹyịmavara kà ọ̀ jịnẹ na dị ọ vavọọ na mẹ, ka ụsẹ anị vee zoza.

Ijoovu 1:11

Ẹnẹyịmavara ọ̀ọ dọ Ijoovu avaba ogu ọnị nyị aanị, Ijoovu vị anaa ya eyi anị ka ọhịmị anị.

Ijoovu 1:12

Dị Ẹnẹyịmavara kà ooho! Echu ọ na mẹ ogu Ijoovu o me zee eyi, ama asị ọ sị ụvọ kanyị ọ. Dị Echu hụrị ịzọọ aa na nị.

Ijoovu 2:5

Ọ kà Ẹnẹyịmavara ọ sị ụvọ kanyị ọchẹngụ anị di ò re, Ijoovu ọ̀ yị rẹ vaa kụ ọ ụhụ eyi anị.

Ijoovu 2:7

Ịzẹyịza, dị Echu hụụ ịzọọ ne tu Ijoovu nị. Dị ọ mẹ ka ịtahụ ọ tụra hi Ijoovu ẹngụ ọmọọma, dị aa va enyi chava nị.

Ahẹ Ụgama 65:7

Ịjị òkū aa dà vụụ-vụụ, dị aa jị ayị, ẹwa mẹ̀ ẹ ka ọ̀ varẹma nẹtẹ hẹẹ nị Mị ka ịjị anẹhẹ kwẹẹtẹ aa mẹ ezigi ẹwa varẹma sị wa ayị nẹtẹ nị.

Iruuku 12:23

Ụhwẹ ọza ô huna ịsọyịrị, ẹngụ ọza o re huna ịta.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

2 Anịkọrịntị 12:7

Agụvị asị ẹtẹ ọbanyị oni mi re avọọ na mẹ ka maa sị ẹngụụ tụ́ ẹba baaba, Ohomorihi ộ navọ ka ma nyị ẹngụkata tụ́ ọchẹngụ amị anka ikeyi avọọ. Ọnị ọ vị ọnụtụ Echu ene ee tụ́ mi ka asị mị sị ẹngụ tụ́ ẹba baaba nị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 20:7

Ịjị ịrayị akahị (1,000) ọnọọ ọ̀ọ sị gụ, dị a va ngwara Echu hụụnị ẹngwa anị jịnẹ vẹ.