Ijoovu 2:3 - IWE ỌNỊNỊ

³ Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 2:3 ပူးပေါင်းရင်းမြစ်များ

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

2 Ịsamụwẹrị 20:20

Di Ijowabi ka vụrụ-vụrụ, ọnị ọ yị kà ka ọnị aa chaka ẹkụra ọnẹẹ ọnọọ.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 1:11

Ẹnẹyịmavara ọ̀ọ dọ Ijoovu avaba ogu ọnị nyị aanị, Ijoovu vị anaa ya eyi anị ka ọhịmị anị.

Ijoovu 1:6

 nyị ẹkụhị ọnya aanị ọnị anggẹẹrị nịnị kụ ẹngụ gụ ọvịdị Ẹnẹyịmavara, dị Echu odu ọza ọnị rẹ nọ nị.

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 13:15

Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị.

Ijoovu 2:2

Dị Ẹnẹyịmavara họ̀ ọ ka ịzị ọ hụrẹ aa vẹ? Dị Echu tụ́ ohi ka ọnị aa vachi vahịrẹ ngụ ẹhẹ zị nị.

Ijoovu 2:4

Dị Echu tụ Ẹnẹyịmavara ohi ka, ẹ yị nyị ịsị ọnị ọza ọyị zụ sị zune ụhwẹ anị. Sị ụvọ kanyị ọchẹngụ anị kẹ!

Ijoovu 9:17

Ijoovu ka Ohomorihi jị ayị ee wure ọnị kẹnẹ-kẹnẹ aanị nị.

Ijoovu 9:20

Ijoovu ka ọnị ọ daka rị ịhị, ịrẹyị irenu anị vị ana jị ịvị yị ọnị.

Ahẹ Ụgama 26:1

Ẹnẹyịmavara, asị ụ jị ịvị mị agụvị ka mẹ yị zẹẹ ka ma mẹ akụvị Mẹ yị mẹ ayị ẹẹva, ẹwụ nya kẹnẹ mị sị ayị tụra nị.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

Ahẹ Ụgama 41:12

Mâ yẹ ka ụ vaa gụ mị ụvọ agụvị ka mẹ yị mẹ akụvị Mâ rẹ yẹ ka ụ vaa navọ ka ma yà ịda awụ pooro zịna-zịna.

Ụhịrẹyị 11:8

Ẹnẹyịmavara aa dọ ọza ọyịza ha hụụnị akanya nị, ama dị ọ hụrẹ ọza ọhịmị ụvọ tụ ịnị anị.

Ụhịrẹyị 13:6

Ịzẹyịza ọnịzẹyịza aa dọ ọ tụ nị ama ebira odivi ọza ọhịmị o vee vu ọ ẹtẹ nị.

Ụhịrẹyị 14:2

Ọza anaā ra a mẹ vọrọ vị eneē hí angwa Ẹnẹyịmavara ama ọza ana ra ẹhẹ akụvị vị anaā si eyi wụ ọ.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 16:17

Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.

Ịjọọnụ 9:3

Dị Ijeesu tụ́ wa ohi, dị ọ ka, “Ẹ yị vị agụvị ka ọnọrụ ọnọnị ộ mẹ̀ ịvị, ẹ yị rẹ vị agụvị ka aza ana ma a, ộ mẹ̀ ịvị. Ama Ohomorihi ee sì ka à sị ụkọrọ anị zụ̀ aza ịnị ẹngụ ọnọrụ ọnọnị.

Anihwiripi 3:12

Mẹ yị kà a ka ịsị maa dụ, ụvọ amị óo kú ọ; mẹ yị rẹ kà a ka ma sị gụ. Ama maa kà a tụ́ ọvịdị ka ụvọ amị ọ̀ nyẹngụ kú ịsa ọnọọ, oni Ijeesu hụ agụvị anị nyị mị.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.