Ijoovu 2:13 - IWE ỌNỊNỊ

¹³ Dị ẹ yaatẹ ịnị eteesu pe Ijoovu ọọdụ ọnịrị ịrahụ ẹkụhị ịhịmba nị. Avaba ẹnịnị vị ene hi ẹtẹ ee re kẹnẹ agụvị ụya ọngwọọngụ ana a rị.

Ijoovu 2:13 ပူးပေါင်းရင်းမြစ်များ

Oyinyima 1:5

Di Ohomorihi ka ẹtohweyi ọ vị ọọdụ, di etohozi ọnị ọ̀ vị ịrahụ nị. Hụụnị ẹnẹnẹ na ngụ oruva dị ọ vị ẹkụhị ọnya nị.

Oyinyima 1:8

Ohomorihi ka itu ọnọọ ọ rị ẹbẹẹba nị. Hụụnị ẹnẹnẹ na ngụ oruva dị ọ rẹ vị ẹkụhị ọhụva nị.

Oyinyima 50:10

Ẹnịnị ẹ va sị ngụ ịzị eē tú ịsa ịnị ẹtẹ Atadi, ana yà oze ọnị ọyịị̄ zịị̄ hụrẹ ini Okuha Ịjọdanị. Dị ẹ yà ịzọọ dị ẹ zị ẹngụ Ijekọvụ ẹtẹẹtẹrẹ nị. Dị Ijosẹẹhụ jị òrèrè ada anị mẹ ẹkụhị ịhịmba nị.

Ẹzịra 9:3

Enube ọnọnị ộ mẹ̀ ka ayị ọ̀ kụ mị ẹtẹẹtẹrẹ. Dị mị na awuru amị hi ẹngụ, dị mị kụ ịrẹsụ amị ọnịrị ịrẹwa amị nị. Ịrẹyị ọnọọ vị ana nyayịnẹ va mị ẹngụ hi, dị mị yaayịtẹ

Inehemaya 1:4

Ịjị Inehemaya maanị wụ́ ịrẹyị ọnọnị, dị ẹngụ anị sị va hi, dị ọ yaayịtẹ aa jị òrèrè nị. Agụvị ka ịrẹyị ọnọọ ộ zị ọ ẹngụ, ộ yaatụ mẹ ẹkụhị ọrụrụ-ọrụrụ ệ yị rị ịsa, dị aa da ịpẹ yị Ohomorihi ana nyị ẹbẹẹba nị.

Ijoovu 3:1

Ịrẹma ẹkụhị ịhịmba ẹnẹẹ Ijoovu ha irenu dị ọ tụ ozirenu hi ẹkụhị ana sị ma a nị.

Ijoovu 4:2

Ọ kà Ijoovu ọ vayị nẹtẹ dị ọ wụ́ ịrẹyị anị. Ọnị ọ yị zụ za ka ọnị ẹ yị tụ ohi ịrẹyị.

Ahẹ Ụgama 77:4

Mẹ yị zụ sụ ara, mẹ yị rẹ zụ kà ịrẹyị.

Ayịsaya 3:26

Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.

Ayịsaya 47:1

Ẹnẹyịmavara kà, Ẹwụ Ịbabịrọnị, chí hụụ ịrẹsụ aga ohinọyị awụ, dị ụ wa yaatụ ini edudu ini eteesu. Vị́ ụ vịdị sị mẹ anka ozi ọnẹẹ ẹnẹ ẹ yị yẹ ọnọrụ avọọ nị. Ẹkụra ọnị ọza èeè yị nyị ẹbẹẹba anị da ụ vị nị, ama booro aanị wẹ yị kụkụ vị ẹngụ aza ana a vọrọ ka à tangwa sị ụvọ za, ka ọ va tọ ụnava. Wa sị vara ọrịhị.

Arụwẹ 2:10

Azọkụ-azọkụ Ijerusarẹmị vana chaka chire eteesu hẹẹ-hẹẹ, dị ẹ kụ edudu kụ ịrẹsụ nị. Ịta kẹnẹ-kẹnẹ ẹ rẹ và ku ẹngụ nị. Ezwoorihi ẹnịnị vana kụkụ ka ịrẹsụ hi kọhọ̀-kọhọ̀ hi ẹtẹ.

Ezikẹẹrị 3:15

Ọnị ộ na ngụ ịzị anda ẹnịnị ana a za ọrịhị hi ụtọ irehu ịchẹẹba. Ịzọọ aā hị́ Ịtẹrị-Abibu nị. Ọnị ộ yà ịzọọ ẹkụhị ịhịmba, dị ẹtẹ ọnị ọnị re, ọnịrị ịrẹyị ọnị ọnị wụ aanị mẹ ka ò chi ọnị ẹngụ ẹtẹẹtẹrẹ nị.