Ijoovu 19:8 - IWE ỌNỊNỊ

⁸ Ohomorihi ọ raà sị ịsa jị mị oze; mẹ yị zụ parahu. Ộ mẹ ịrahụ ọ̀ za mị, dị a sị mi re oze zị.

Ijoovu 19:8 ပူးပေါင်းရင်းမြစ်များ

Ijoovu 3:23

Sị ẹ vẹ dị Ohomorihi navọ ọnị tụ ẹhẹ ẹnẹ ẹ yị nyị ịrẹma, dị ahịka ayodu kẹnẹ ọnị ee re nị.

Arụwẹ 3:7

Ọ sị ọnị jị ẹngwa ka asị ọnị re oze zwe. Dị ọ tụ ọnị ịchẹkẹchẹkẹ tịtẹ nị.

Arụwẹ 3:9

Ohomorihi ọ raa sị ịrẹta jị ọvọ kara ọnị hi eyi ụvọnị-ụvọnị ka asị ọnị zụ ngụ ịzị ọnị ee sị ka ọnị ọ̀ ngụ.

Ahẹ Ụgama 88:8

Wa kụ́ ọta amị ana gụrị ẹmị hu, dụ hụrị ẹmị ẹngụ, mị kụkụ aa nyị wa ịhyẹrẹ. A sị mị kara tụ́ aha ọnya, me yi re oze zwe.

Ihoseya 2:6

Agụvị avọọ Ẹnẹyịmavara vaa sị igegenechi jị ọvọ gu ọ hi, dị asị o re oze zị.

Ụhịrẹyị 4:19

Ẹhẹ aza edivi vị ana sị mẹ anka ịrahụ ruma-ruma avọọ. Ẹẹ̄ vangga jịnẹ ịsa ọnị ẹnịnị e yi re nị.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ijeremaya 23:12

Ọ kà agụvị avọọ, oze ẹnẹ ẹyaa vaa tụra vị ana vaa swa wa ọsịrị. A vaa dụ wa ngụ ịrahụ, dị ẹ sẹ ẹdụ va hi ẹtẹ. Ẹnẹyịmavara kà ọnị vaa kụ ẹngụkata odivi tù wa, ịjị ụmẹ ẹnẹ ẹ vaa sị rị ụya oo tu.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ijoovu 30:26

Ọyịza ọnị ee zi eyi nị, dị ahịka odivi ọ vaa vẹ nị. Etohweyi ọnị ee zi nị ama dị ahịka etohozi ọ vaa vẹ nị.

Ijosuwa 24:7

Ịzọọ Anisirẹrị ya dị ẹ na owu na za Ẹnẹyịmavara, dị ọ sị etohozi jị ẹnịrị Anijipiti ịnẹ nị. Dị ọ ka enyi jẹẹ yị Anisirẹrị dị ẹ jịnẹ ịnị ẹtẹ ọyịwụ ama dị ẹnyị ọnọọ varẹma mụnẹ wa dị e su ẹyị awụ nịnị nị. Anisirẹrị nịnị ẹ̀ẹ ya ịnị ụnọmị ku pooro nị.

Ijoovu 23:17

Ohomorihi ee chire ọnị angwa nị, ẹ yị etohozi ene ku ọnị ka asị ọnị re ẹtẹ.

Arụwẹ 3:5

Ọ raa kụ́ ẹngụkata ọnịrị ụya ọngwọọngụ tu ọnị zị oze eyi ẹnyị eyi ọsa.

Ayịsaya 59:9

Agụvị avọọ Ohomorihi ẹ yị dọ wa ha hụrẹ ụvọ aza ana mẹ ẹvaya yị wa nị. Èe zi eyi ẹtohweyi, dị ahịka etohozi e re nị. Ịnị etohozi ruma-ruma ẹ yaa zị ụsẹ nị.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.