Ijoovu 18:12 - IWE ỌNỊNỊ

¹² Ọza ọhịmị ộ vịdị nyị ogu da, ama ụngwẹ kụkụ aa kụ ọ booro aanị. Ẹ yị zụ mẹ ka ẹ yị rị ụya.

Ijoovu 18:12 ပူးပေါင်းရင်းမြစ်များ

Ijoovu 31:3

Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị.

Ahẹ Ụgama 109:10

Navọ ahịka vị ezi anị aa pà ịsaa rị zị, dị a dụ wa hụụnị eburu ẹnịnị.

Ahẹ Ụgama 34:10

Wáá yẹ ka ịjị ẹnyị ụngwẹ kụ̀ idu nịnị di e yi re ịsa rị? Ama aza ana ahịka ẹẹ̄ mẹ̀ ịsa ẹnẹ Ẹnẹyịmavara kà, ẹ yị nyị si e yee sì ẹnị è yi vee re.

Ayịsaya 8:21

Aza ẹnẹẹ vị ana vaa ngụ ịnị ẹtẹ ọnọọ zị, ụngwẹ vaa kụ̀ wa di o kú du wa eyi. Ịjị ụngwẹ aa kụ̀ wa dị ayị aa kụ́ wa nị, dị ẹ yaa kụ̀ ohinọyị ẹnịnị ọnịrị Ohomorihi ẹnịnị ụhụ.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

1 Ịsamụwẹrị 2:36

Àa na nyị anovwoovu awụ ana vọ tụ́ ẹhẹ, ẹnịnị vị ana vaa nọ ịda ohirẹsụ irehi Ohomorihi ọnị maa kà aanị, dị ẹ naa pà ẹkẹhị ọnịrị ịsọyịrị. Ẹ va naa dá ịpẹ ka à navọ ẹnị ẹ̀ẹ mẹ ọgụvọọ yị ohirẹsụ irehi Ohomorihi ịsavọọ ẹnị è zụ re ịsa rị.

1 Ịsamụwẹrị 2:5

Aza anaā vịdịị nyị dị ịnẹ aa ha wa vị ana kụkụ ya ahụ ọza dị ẹ̀ va rị ịsa. Dị ịnẹ aa ha aza ọnị ụngwẹẹ̄ vịdịị kụ̀, dị ayị hi wa ka ụngwẹ ộ vịdị kụ̀ ẹnị da nị. Ọnẹẹ ana vịdị vị ọbọrị vaa ma ezi ịhịmba, dị ọnyị ezi ọrụrụ vaa vara ọbọrị.