2 Ộ ka ọza ana yẹ ịrẹyị ọ̀ mā ka kẹnẹ-kẹnẹ.
Ọnị ộ yẹ avaba ịsị ẹnịnị yẹ. Ẹ́ yị nyị ịsị ẹ sị huna ọnị.
Erihwazi ana vị Anitema ộ varẹma sị ohi yị Ijoovu.
Nyị ọza ana yẹ ịrẹyị ana kụ́ ẹngụ ịrẹka anị ọnọnị, dị ọọ nyị ahankata tụ ịnị osusu.
Ẹnịnị ẹ yị hị́ ịrẹyị anị ịrẹyị, asị e ro ka ẹnị ẹ zụ tụ́ ọnị ohuvọ.
Ọ họ̀ Ijoovu ka aanị ọ́ọ́ mẹ̀ vaa kụ́ ịrẹka pooro nị?
Ọza ana yẹ ịrẹyị vene rò ịrẹyị dị ọ vaa ka a. Ịrẹyị anị vị ana ngụ ọza ẹngụ.
Ahwaahụ ọnị ọza zị va ngụ ẹhẹ ọ rẹ vaa zị hụụnị anị nị. Ẹ yị nyị ịsị ọ vaa sị hụụnị avaba ịsị ọ sị ẹhị ẹngụ anị mẹ.
Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.
Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.
Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.
