Ijoovu 11:7 - IWE ỌNỊNỊ

⁷ Ọ̀ọ ka ọnị ọ zụ yẹ Ohomorihi mẹmẹ nyị ụbanyị ọnịrị ịzị ọ nyị ụkata na za nị?

Ijoovu 11:7 ပူးပေါင်းရင်းမြစ်များ

Ijoovu 22:12

Ohomorihi ana yara ya ẹbẹẹba kere-kere, dị ọ ve eyi chi ee re ụzọmị ene hi akẹtẹ anị nị.

Ijoovu 26:14

Avaba ịsa ẹnịnị aa kiiki ịnị ụkata anị anka o rere hu ohi kẹnẹ avọọ nị. Ẹnẹ zụ yẹ ịzị Ohomorihi banyị na za.

Ijoovu 27:11

Jẹẹ ma zụ̀ wụ nịnị ịzị ụkata Ohomorihi banyị na za. Mị vaa mẹ ẹhahi ịsa oni Ohomorihi sì ka ọnị aa mẹ yị wụ nịnị.

Ijoovu 33:12

Erihu ka Ijoovu o si eyi nye, agụvị ka Ohomorihi ẹ yị vị ẹyị ọzarẹyịrẹsụ

Ijoovu 33:13

Sị ẹ vẹ dị a kụ̀ụ hịrẹ Ohomorihi dị ọ ka e yi be ọnị atọ?

Ijoovu 35:5

Kana eyi ihinẹba di u we re. Re ịzị eguhi nịnị nẹba na za.

Ijoovu 36:26

Yẹ yị zụ yẹ avaba ụbanyị anị, a vị yaa za ịrayị anị ịrịka.

Ijoovu 37:23

Ochẹtẹẹngụ ộ nyị ụkata ẹnẹmẹhị ana ahịka yẹ yị hyakụ zụ ka pe e. Oze ana vọrọ ọnịrị ịzẹyịza ọ sịị mẹ ebiraa hi yi nị.

Ijoovu 37:5

Óhomorihi mẹ̀ kà ịrẹyị, ịvọpa ệ mẹ. Ịsa ana mẹ ê hí ọza irenu; yẹ yị hyakụ yẹ iruvo anị.

Ijoovu 42:3

Ẹnẹyịmavara ộ họ̀ Ijoovu ka ẹnị aa kụ ịrẹka ịsa ọnị ẹ yị yẹ aanị? Dị Ijoovu ka ịsa ọnị ọnị ẹ yị yẹ ọnị ka nị. Ịrẹyọyẹ Ẹnẹyịmavara vị́ ene hi ọnị irenu. Ọnị ẹ yị yẹ ẹ.

Ijoovu 5:9

Ịsa ọbanyị-ọbanyị ọnị ọọ̄ mẹ̀, ọza ẹ yị zụ yẹ ka. Ọza ẹ yị zụ za wa ịrịka.

Ahẹ Ụgama 139:6

Mèe ro o pooro ka ụ mẹmẹ maanị yẹ mị, vi ee hii tụ́ mi eyi nị, mẹ yị yẹ ọ mẹmẹ vavọọ yà.

Ahẹ Ụgama 145:3

Ẹnẹyịmavara vị ana nyayịnẹ nyị ụbanyị. Avọọ a mẹ̀ rẹ vọrọ ka àa kụ́ ọ avọ nị, nyị ọza ana ka ọnị ộ yẹ ịzị ọ nyị ụbanyị ne tù.

Ahẹ Ụgama 77:19

Wâ zị oze ini òkū, ana aa dà vụụ-vụụ dị ụ vavọọ há a na para hu nị, ama ọza o yi re ịpa ahụ awụ.

Ụhịrẹyị 30:4

Ẹnẹ na ẹbẹẹba, ene chi vẹ da? Ẹnẹ sị ụvọ za ahị da? Ẹnẹ sị achị gụ enyi ịrẹgụ da? Ẹnẹ tẹ ẹhị ẹhwị ẹtẹ avaba ẹhẹ? Ịrẹha ọza ọnọọ rị? Ịrẹha ozi anị rị? Kà a mị ẹnẹ ọ vị?

Ịrẹyị Ọzwọzịsa 3:11

Ohomorihi ọ raa mẹ avaba ịsa ka ẹ̀ vị ọyịza-ọyịza ịnị ụmẹ ọnị ọ jị yị wa. Dị ọ rẹ raa mẹ ka aza èe ro ịrẹyị ẹkụhị ọnị ọza ẹ yị yẹ za ịrịka nị. Ama ẹ yị nyị ọza ana va zụ yẹ ịsa ọnị Ohomorihi mẹ hụụnị oyinyima na ngụ ẹzẹtẹ.

Ịrẹyị Ọzwọzịsa 7:24

Ịrẹyị ẹhẹ ọọ nyịnẹ yị ẹyị ọza ẹtẹẹtẹrẹ. Ọza ẹ yị yẹ iruvo anị.

Ayịsaya 40:28

Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Aniroomi 11:33

Ohomorihi ộ da nyị ụbanyị kẹnẹ! Ohomorihi ộ yẹ ịrẹyị ẹtẹẹtẹrẹ ọnị ọza ọ̀yị zụ kà. Ịsị Ohomorihi ọ̀ọ ka ọnị aa mẹ, ẹ yị nyị ọza ana zụ yẹ oze ana aa zịị mẹẹ. Ẹnẹ ka ọnị ộ yẹ oze Ohomorihi?

1 Anịkọrịntị 2:10

Ama Ohomorihi ọ raà mẹ ka Ụhwẹ Ọnịnị ọ̀ sị ịsa ẹnẹẹ zụ̀ ẹyị. Agụvị ka Ụhwẹ Ọnịnị vị eneē sì iruvo avaba ịsa, à hị́ ịsa ana nyịnẹ ana ahịka Ohomorihi kẹnẹ ọ yẹ nị.

1 Anịkọrịntị 2:16

Anka a mẹ chẹrẹ ẹ, “Ẹnẹ ka ọnị ọ́ọ yẹ ịsị Ohomorihi Ananyị yị ee ro ịnị ayị anị? Ẹnẹ ka oni o zụ juwee yọ?” Ama ẹyị áa nyị ariro oni Ikirisiti nyị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.