Ijoovu 10:7 - IWE ỌNỊNỊ

⁷ Ọ yẹ ka ọnị ọ rị ịvị dị ẹ yị nyị ọza ana zụ dọ ọnị ha hụrẹ ụvọ nị.

Ijoovu 10:7 ပူးပေါင်းရင်းမြစ်များ

Ijoovu 10:15

Ijoovu ka ọnị ọ̀ọ rị ịvị ọnị ẹ yị ha. Ọnị ọ̀ọ rẹ va rị ịhị ọnị ẹ yị re aha sị eyi anị tẹ. Ụhị aa nyị ọnị agụvị akanya ene tu ọnị.

Ijoovu 11:4

Ọ́ jị ịhị yị ẹngụ anị dị o ro ka ọnị ọọ nị ọvịdị Ohomorihi nị.

Ijoovu 13:18

Ọnị oo tenyi ẹngụ ka ọnị aa kụ irenu, agụvị ka ọnị ộ yẹ ka ọnị ẹ́ yị rị ịvị.

Ijoovu 23:10

Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru.

Ijoovu 23:11

Ijoovu ka ọnị ẹ yị ha hụrẹ oze anị. Vị́ ọnị saasa a nị.

Ijoovu 27:22

Ahị ọnọọ ẹ yị vayị ẹnịnị ẹ̀ẹ daka aa sị vụrị ka ẹnị è zwe yọ.

Ijoovu 31:14

Mẹ̀ yị vavọọ mẹ, m mẹmẹ va zụụ jẹ ọvịdị Ohomorihi? Sị mị vaa kà ịhị Ohomorihi ộ vẹ aa vaa mẹ̀ ọkarẹyị yị mị?

Ijoovu 31:35

Ho! mẹ yị nyị ọza ana vọrọ ka ọ wụ́ ịrẹyị ọnị maa kà aanị? Mâ hị́ eku ka avaba ịrẹyị ọnị mị kà vị ịzẹyịza, agụvị avọọ, Ohomorihi Ochẹtẹẹngụ ọ̀ navọ o tu mi ohi. Àa yẹ a chẹrẹ ịsa ọnị ọnịvị amị nịnị ka mâ mẹ tịtẹ, dị me re e.

Ijoovu 31:6

Ohomorihi ọ̀ sị ịzẹyịza mẹ̀ ọkarẹyị anị, o vee re ka ọnị ẹ yị rị ịvị.

Ijoovu 32:1

Ọta Ijoovu ẹyịta e yi vene tụ́ o ohi hu avọọ, agụvị ka Ijoovu vị ana yị sị ahụ kà aba ka ọnị ẹ yị rị ịvị.

Ijoovu 33:9

Ọnị ọ yị rị ịvị. Ẹ yị nyị ebira odivi ọnị ọnị mẹ̀. Ayị anị ọ nị.

Ijoovu 40:8

Ijoovu wáá vị ana kụ ịzẹyịza anị ha nị? Ọ́ọ́ vị anaa jị ịvị yị ọnị dị ọ sị ịhị rị nị?

Ijoovu 42:7

Ịjị Ẹnẹyịmavara ree pe Ijoovu ka ịrẹyị ta, dị ọ̀ ka yị Eripazi, ana vị Anitemani ka ọnị ee du ayị hi ọnịrị ọta ẹyịva nị. Ọ kà ẹnịnị vene cheeche kụ ọnị. Ijoovu kẹnẹ ộ ka ịzẹyịza ịnị ịrẹyị anị nị.

Ijoovu 9:12

Ohomorihi ọ̀ọ sị ịsị e zee eyi, ẹnẹ zụ za? Ẹnẹ zụ họ̀ ọ use ka sị ẹ vẹ?

Ijoovu 9:21

Ịzị ẹhẹ o du ọnị eyi tu aanị, ẹ yị nyị ịzị ịhị ọyị rị kanyị ọnị.

Ijoovu 9:22

Ịngọ ọnyọọnya ọ sị ọza ana rị ịhị ọnịrị ọza ana rị ịvị nị. Ohomorihi vene vu avaba ẹnịnị ẹtẹ.

Ahẹ Ụgama 1:6

Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ ama ebira aza edivi vị ana vaa mẹ ka ẹ vú ẹtẹ.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ahẹ Ụgama 50:22

Ohomorihi ka ẹwụ nịnị ene hi ayị anị ọ̀ wụ́ ịrẹyị, ọ! Ọ kà asị ụ zẹẹ ka ọnị ọ̀ pa ịva wụ nịnị ka à yị vị avọọ ẹ yị nyị ọza ana va zụụ dọ wụ nịnịị tụ́.

Ahẹ Ụgama 7:3

Ẹwụ Ẹnẹyịmavara ana vị Ohomorihi amị wâ yẹ ka ẹ yị nyị ọza ọnị mị mẹ ịrẹyị odivi. Mẹ yị mẹ̀ ebira odivi hi ọta amị ana mẹ̀ ebira ọyịza hi mị. Mẹ mā kà a ka mèe re ọnịvị amị kẹnẹ maa mẹ̀ ẹ ịrẹyị ọhịmị àyị vị a hụhụ nyị ịsị ọ mẹ.

Ayịsaya 43:13

Ẹma vị Ohomorihi nị, ẹma yị vaa vị Ohomorihi pooro nị. Ẹ yị nyị ọza ana zụ dọ ọza ha hụụnị ụvọ amị, màa sị ụkata za a. Ịsị mị mẹ, ọza ẹ yị zụ vara a.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Ihoseya 2:10

Ẹnẹyịmavara kà ọnị vaa tụ́ wa ahwaahụ eyi aza ana vị onyeehi anị nị. Ộ kà a yị nyị ọza ana vaa zụụ dọ ọ ha.

Ihoseya 5:14

Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

1 Anịtẹsaronika 2:10

Ẹwụ nịnị vị onivenu ayị, Ohomorihi rẹ vị onivenu bẹẹ, ka yáa mẹ̀ ebira ọnịnị ọnịrị ịsa ana vọrọ. Yẹ yị rẹ nyị ohuvọ ịnị akakana awụ nịnị ana vị ọdọwụ.

Ijosuwa 22:22

Ẹnẹyịmavara Ohomorihi ene huna ori nịnị ộ yẹ ịsị ẹ vẹ dị ị maanị mẹ. Yee sì ka avaba Anisirẹrị ẹ rẹ yẹ bẹẹ. Àa vị ka ị́ kụ̀ hịrẹ Ẹnẹyịmavara, dị yẹ yị kụkụ sị ayị tụra a nị, a sị ọ dọ yị tụ.