Ijoovu 1:5 - IWE ỌNỊNỊ

⁵ Ịhị ẹnịnị ẹ̀ sị mẹ ta, dị Ijoovu kwẹẹtẹ ẹnẹnẹ eyinẹhẹ anị dị ọ mẹ̀ ịsọvọ ịrẹsụ ọzịnya-ọzịnya ẹnịnị. Ọ kà ọza ọ yị yẹ ẹnịnị ẹẹ mẹ̀ ebira ana zụ du Ẹnẹyịmavara ayị.

Ijoovu 1:5 ပူးပေါင်းရင်းမြစ်များ

Oyinyima 22:3

Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị.

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Oyinyima 8:20

Inowa mẹ̀ sị jịnẹ tụ́ ẹhẹ, dị ọ mẹ aha ịsọvọ yị Ẹnẹyịmavara nị. Dị ọ sị ịnị avaba uye ana rụra mẹ̀ ịsọvọ ọnịrị inomi ana rụra mẹ̀ ịsọvọ, dị ọ sị wa mẹ̀ ịsọvọ, dị ọ rị wa ịra ịrẹsụ aha ịsọvọ ọnọọ nị.

1 Ohinọyị 18:31

Dị ọ kụ́ ịrẹta ẹwụrẹva anka ịrịka ịrẹsụ ezi Ijekọvụ nị. Ijekọvụ ọnọọ Ẹnẹyịmavara vịdị kà a yị ka Isirẹrị ịrẹha anị vaa rị nị.

1 Ohinọyị 21:10

Dị ụ kụ́ aza kẹnẹ-kẹnẹ ẹẹva pè Ịnabọtị, dị aza ẹnẹẹ è cheeche kú ọ ka ộ kụ̀ Ohomorihi ọnịrị ohinọyị ụhụ nị. Di ụ sị ọ jịnẹ tụ́ ẹhẹ, di è ne e ịrẹta dị à wụ ọ.”

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

Inehemaya 12:30

Avaba ohirẹsụ irehi Ohomorihi ẹnịrị Anireevi nịnị ệ mẹ ido ọ̀yịvara ẹngụ ẹnịnị ọnịrị aza ne beri oze ọbanyị ọnịrị ọvọ ọnịnị.

Ijoovu 1:11

Ẹnẹyịmavara ọ̀ọ dọ Ijoovu avaba ogu ọnị nyị aanị, Ijoovu vị anaa ya eyi anị ka ọhịmị anị.

Ijoovu 1:4

Ezi anị anọrụ vị anaā vabẹ na ịda ẹngụ na jẹrị ẹngụ twẹngụ-twẹngụ. Ụmẹ ọnị ẹ̀ẹ vavọọ aa rị ịsa ịda ẹngụ, dị ẹ sị ezi anẹẹ ẹnịnị beri ẹngụ.

Ijoovu 2:9

Ịjị ose Ijoovu maanị re ọva anị, dị ọ ka, ịzẹyịza ịsị ọ nyị ọnị kụkụ aa mẹ. Ọ vana dahi ka ọ kụ Ohomorihi ụhụ dị o su.

Ijoovu 27:10

Ayị ẹnịnị we vee hinee tu Ochẹtẹẹngụ? Vị́ a vọrọ ka ẹnịnị ẹ̀ yaanị sị avaba ụmẹẹ mẹ̀ aduwa hi Ohomorihi nị.

Ijoovu 41:25

Ọ̀ọ kwẹẹtẹ jẹẹ, ọza ana nyị ụkata hụ vene e hí angwa, di e zwe.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ijoovu 6:14

A vọrọ ka ọza ọ nyị ayamva yị ọta anị ana yị ịnị akanya, ọ daka sị ha hụrẹ oze Ohomorihi Ochẹtẹẹngụ.

Ijoovu 8:4

Ịvị ọnị ezi anị mẹ̀ Ohomorihi aa sị ụya anị rị wa nị.

Ahẹ Ụgama 5:3

Ẹnẹnẹ, Ẹnẹyịmavara, ẹwụ ẹmị vaa hị́ nị. Ẹwụ mị vaa kụ́ ịrẹyị ịnị ẹngụ amị ve tù nị. Màa vavọọ vẹ, dị mị jẹẹ, di mee zi wu eyi.

Ọyịkụra 18:12

Di Ijetiro ana vị ọyẹ Imosiisi sị ịsa vẹ ka à sị mẹ̀ ịsọvọ yị Ohomorihi dị à rị ọ ịra nị. Dị ọ rẹ sị ịsa ịsọvọ ọsa vaka a vẹ nị. Di Eerọnị ọnịrị avaba azọkụ Anisirẹrị vẹ ka ẹnịrị ọyẹ Imosiisi è dudu va rị ịsa ọnọọ ọvịdị Ohomorihi nị.

Ọyịkụra 19:10

Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị,

Ọyịkụra 24:5

Di Imosiisi tụ́ ezwọọmụha dị ẹ na mẹ̀ ịsọvọ ana aā rị ịraa yị Ohomorihi nị. Dị ẹ rẹ sị ezi imaaru dị ẹ wụ̀ ọ mẹ̀ ịsọvọ yị Ẹnẹyịmavara di e dudu rị ọ nị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Iruuku 1:75

dị ya vị aza ọnịnị ọnịrị ọnịrẹyịzẹyịza ini eyi anị ịnị avaba ẹhẹ ayị.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Ịjọọnụ 11:55

Eche Aniju ana aā hị́ Eche Ọyịparahu ee vee tù. Dị aza ọrụrụ-ọrụrụ hụrẹ ẹkụra ẹnịnị, dị ẹ hịrẹ nọ Ijerusarẹmị ka ẹnị ẹ̀ na mẹ̀ ido ọyị mẹ ẹngụ ẹnịnị nị (anka ọda mẹ̀ kà a), di eche ò ve tù.

Odeyi 21:26

Dị Ịpọọrụ sị aza ẹnẹẹ, eyinẹhẹ anị dị ọnịrị wa vara ẹngụ ẹnịnị ọnịnị nị. Dị ẹ nọ ini irehi Ohomorihi nị, agụvị aza ẹ̀ yẹ ka ịhị ẹnị vaa vara ẹngụ ẹnịnị ọnịnịị ta. Ịhị ẹkụhị ọ̀ọ sị gụ, dị a mẹ̀ ịsọvọ yị ọzịnya-ọzịnya ẹnịnị.

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

1 Ịsamụwẹrị 16:5

Dị Ịsamụwẹrị ka ẹ yị nyị ịrẹyị, vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị. Ọ kà ẹ̀ mẹ ido ana vọrọ ka ẹ̀ mẹ, dị ẹnịnị ẹ̀ vẹ ịnị ịsọvọ ọnọọ.