Ijoovu 1:3 - IWE ỌNỊNỊ

³ Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Ijoovu 1:3 ပူးပေါင်းရင်းမြစ်များ

Oyinyima 12:16

Di Ohinọyị hụ agụvị Isarayi di aa mẹ̀ ebira ozozaa hi Abụramị nị. Dị ọ kụ́ atẹmẹ, ẹvụ, imaaru, ịkẹrịkẹtẹ araka, ọnyị ịkẹrịkẹtẹ ne beri ịnyaakụmị ezi ahụ anọrụ ọnịrị anẹẹ dị ọ kụ́ wa yị Abụramị nị.

Oyinyima 12:5

Abụramị ộ sị Isarayi ose anị ọnịrị Ịrọọtị ozi ọyịnyara anị ne beri avaba ogu ọnị ọ nyị. Ọ rẹ kụ́ aza ọnị ọ nyị ọ mẹ̀ yà Ịharanị, di e si hu dị ẹ yaa nọ ịnị ẹtẹ Ikanaani nị. Ẹ mẹ̀ na sị ngụ Ikanaani,

Oyinyima 13:6

Ẹtẹ ọnọọ ọ yị kụkụ dọ ẹnịrị Abụramị. Ogu ẹnịnị ọ sị rụrụ baaba, avị ene hi ịzọọ ọ yị kụkụ hụ ịsụpa ẹnịnị gà rị.

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Oyinyima 25:6

Ama di o ve sú, ộ kụ́ ịsa mẹ ezi oni ese anị ọsa ma yọ ẹyịza. Dị ọ va ka ẹ̀ hụụnị eehi yị Ayiziiki nị. Ộ ka ẹ̀ nọ ẹkụra ana yà oze ọnị ọyịị̄ zịị vẹ.

Oyinyima 29:1

Di Ijekọvụ sị ụsẹ anị hụụ ịzọọ dị ọ na ngụ ịnị ẹtẹ aza ana ra éyi ọnị ọyịị̄ zịị vẹ nị.

Oyinyima 32:14

Ộ kụ́ ọnyẹvụ ịrẹka beri ịdẹ oohu, dị ọ rẹ kụ atẹmẹ ịrẹka beri ịdẹba oohu nị.

Oyinyima 34:23

Ọ kà ẹnị ẹ̀ zụ mẹ ọsọnị, dị ẹnịrị ẹnị ra nị, dị avaba ịsụpa ẹnịnị ọnịrị ogu ẹnịnị kụkụ vị ẹẹnịnị. Dị ọ ka a vẹ ẹnị ẹ dọ ooho, dị ẹnịrị wa ọ̀ zụ ra vabẹ.”

2 Ịsamụwẹrị 12:2

Opisa ọnọnị ộ nyị imaaru ọnị atẹmẹ ẹtẹẹtẹrẹ

1 Ohinọyị 4:30

Isoromọnị ộ yẹ ịrẹyị huna avaba ọnị ene hi ịzị ọyịị̄ zịị hụrẹ. Ọ rẹ yẹ ịrẹyị huna avaba Anijipiti.

2 Ohinọyị 15:20

Opisa Anisirẹrị nịnị, Imenahemi dọ ẹkẹhị ọnọnị nị. Ộ sị ụkata za ọzịnya-ọzịnya ka ẹ̀ tụ́ isiriva ẹvarẹwụ-ẹvarẹwụ. Ọsọnị ọ mẹ ka Itigirati Iparisa ọ varẹma hụrị Ísirẹrị nọ ẹkụra anị nị.

2 Ohinọyị 3:4

Ụmẹ ọnọọ, Imesa, ohinọyị Imowabi vị anaā pa atẹmẹ. Ịrayị-ịrayị ọọ̄ sịị kụ ezi atẹmẹ akawụ-akawụ oze ẹvarẹwụ (100,000) naa yị ohinọyị Isirẹrị nị. Avọọ ọ mẹrẹ rẹ kụ ẹyị ịdẹba akawụ-akawụ oze ẹvarẹwụ ẹyị vaa yọ nị.

1 Ịtọpa 27:30

 nyị ọnọrụ ọnya ana aā hị́ Oviri. Anisimẹrị ọ vị nị. Ọnị o si eyi pe ịnyaakụmị nịnị nị; dị Ijehideya ana vị Animerọnọtị ọnị sị eyi pe ịkẹrịkẹtẹ anẹẹ nịnị nị.

2 Ịtọpa 26:10

Ộ rẹ dà irehi ọyịtẹ̀ ọgọdọ tụ́ ịnị akakana ẹkụra, dị ọ chị iruku enyi ọrụrụ-ọrụrụ hi ẹtẹ agụvị ka ộ nyị ụnọ ana dẹngụ tụ́ iruvo ataba ene hi eyi ụvẹtẹ ọnịrị inozi. Ka ô sì ịrẹyị aarẹ, dị ọ tụ́ aza ọtụtụrụma ka ẹ dà ụbazị ịvayịnị rụrụ tụ́ ịnị ataba, dị ẹ kụ́ ịrẹkụ tụ́ ini ẹtẹ ene zoza, dị ọ dọ aza ka ẹ kụ ịrẹkụ yị ọnị nị.

2 Ịtọpa 32:29

Ịrẹma ịsa ẹnẹnị, Ohomorihi ộ sị atẹmẹ ọnịrị imaaru ne beri ogu ẹnẹmẹhị, dị ọ dà ẹkụra ọrụrụ-ọrụrụ nị.

Ijoovu 1:10

Wee sere ọnịrị aza anị ne beri ogu ọnị ọ nyị. Dị ụ mẹ ka ẹhẹ anị oo zee yọ nị. Dị ọ ka Ẹnẹyịmavara ò re ogu ọnị Ijoovu nyị aanị.

Ijoovu 1:4

Ezi anị anọrụ vị anaā vabẹ na ịda ẹngụ na jẹrị ẹngụ twẹngụ-twẹngụ. Ụmẹ ọnị ẹ̀ẹ vavọọ aa rị ịsa ịda ẹngụ, dị ẹ sị ezi anẹẹ ẹnịnị beri ẹngụ.

Ijoovu 21:28

Ẹ yaa họ̀ ka ịzị irehi aza ẹbanyị ana vavọọ mẹ̀ ebira odivi hi?

Ijoovu 29:25

Ọnị a ka yị wa ịsị a vọrọ ka ẹ mẹ, dị ọ vị ohinọyị tụra ịrẹsụ nị. Ọnị vị ohi avaba ọkụrẹkụ anị nị. Ọnị aa sị ayị aza ana va ẹngụ hi nẹtẹ nị.

Ijoovu 31:25

Mẹ yị me eyi agụvị ka maa nyị ogu, à vị agụvị ka mâ nyị ịsa rị ụvọ.

Ijoovu 31:37

Mị yaanị ka yị Ohomorihi avaba ịsị mị mẹ̀. Mị yaanị ee hu ahụ kaada-kaada anka ozi ohinọyị avọọ ọvịdị anị nị.

Ijoovu 42:10

Ịjị Ijoovu raa mè aduwa yị wa, dị Ẹnẹyịmavara va ogu anị ịrẹma yọ oze ẹvẹẹva nị.

Ijoovu 42:12

Dị Ẹnẹyịmavara mẹ ka o zee yị Ijoovu huni ộ mẹ̀ vịdị ya nị. Ijoovu ô varẹma nyị atẹmẹ ịrịka akawụ-akawụ oze ịhịmba (14,000), ịnyaakụmị ịrịka akawụ-akawụ oze ẹẹta (6,000) imaaru ịrịka akawụ (2,000) ọnịrị ịkẹrịkẹtẹ ịrịka akahị (1,000).

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.

Ijeremaya 49:28

 rẹ nyị ẹkụra ana aā hị́ Ịkẹda ọnịrị Ịhazọ ọnị Inebukadineza, ohinọyị Ịbabịrọnị kwẹẹtẹ tu. Ịrẹyị ẹnịnị ọnị Ẹnẹyịmavara kà yị: Ọ kà, kwẹẹtẹ tu Anikeda nịnị, dị we vu avaba anẹkụra ene hi eyi ọnị ọyịị̄ hụrẹẹ vẹ ẹtẹ.

Ịrịka 23:7

Dị Ịbaraamị kà, Ịbarakị ohinọyị Animowabi ộ sị ọnị hụrị ịrẹsụ ataba Aramị vẹ ịzẹnị nị. Ọ kà ọnị o chi hi Anisirẹrị, dị ọnị o du wa.

Ọdọvịdị 6:3

Ụmẹ ọnị Anisirẹrị nịnị ẹ̀ẹ sị chire ịsa tụ ịnị aarẹ, dị Animidiya beri Anamarẹkị ẹnịrị anẹkụra nịnị ene hi eyi ịzị ọyịị̄ vẹ rẹ kụ ịrẹkụ tu wa.

Ọdọvịdị 6:5

Ẹnịnị àa vẹ dị ẹ kụ ịsụpa ọnịrị ajẹngụ ẹnịnị, dị ẹ rụrụ anka akụvarịva avọọ. Ọza ẹ yị zụ za wa ịrịka ẹ mẹ rụrụ ẹnẹmẹhị, di e du ẹtẹ nị.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

Ọdọvịdị 8:10

Ịzẹba ọnịrị Izarimuna beri isoja ẹnịnị vị ene hi ịzị aa hị́ Ikaakọ ụmẹ avọọ. Isoja ẹnịnị ẹẹ gụ akahị-akahị oze ẹwụrẹhị (15,000). Avaba ẹnị ana vọ ịnị isoja Anikẹdẹmụ ọ vị ọnọọ nị. Ọpa ẹnị aza anaa nọ ịrẹkụ ọnị Igidiyọnị wụ ẹẹ gụ akahị-akahị oze ẹchẹhị tụra oohu (12,000).

1 Ịsamụwẹrị 25:2

 nyị ọnọrụ ọnya aanị ana yà Imawoni. Ộ nyị ogu ẹtẹẹtẹrẹ tụ́ ịzị aā hị́ Ịkamẹrị. Opisa ọbanyị ọnọrụ ọnọọ vị nị. Ẹvụ ọnị ọ nyị vị akahị, dị ọ nyị atẹmẹ akawụ rị akahị nị. Atẹmẹ ọnọọ vị ọnị ọọ̄ yẹrẹ ẹyị anị Íkameri.

1 Ịsamụwẹrị 27:9

Ịzị Idevidi ọ̀ọ kụ́ ịrẹkụ nọ, ẹ yị nyị ọza ikonya ana aa navọọ tụ́ ịzọọ ọnị ọ̀ yị yàa wụ. Ọ̀ọ sị wa wụ, dị ọ kụ́ atẹmẹ ọnịrị imaaru ne beri ịkẹrịkẹtẹ ọnịrị ịnyaakụmị ẹnịnị. Ịta ẹnịnị vị ọnị ọ rẹẹ̄ kụ́, dị ọ raa vẹ Akisi.