Ijoovu 1:21 - IWE ỌNỊNỊ

²¹ Dị Ijoovu ka, ahwaahụ a ma ọnị nị. Ahwaahụ ọnị rẹ sị su nị. Ẹnẹyịmavara ana sị ịsa ẹnẹnị yị ọnị, ọ rẹ sị ịsa anị nị. Ọnị ọ kụ ọ avọ

Ijoovu 1:21 ပူးပေါင်းရင်းမြစ်များ

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Oyinyima 30:2

Di ayị sị kụ́ Ijekọvụ, dị ọ ka, “Ọnị ọ́ọ́ vị Ohomorihi ana ka asị o re ozi ma nị?”

Oyinyima 45:5

Ọ kà aarịhịnị ẹ̀ và ayị ẹnịnị nẹtẹ. Asị ẹ na tụ́ ẹngụ ohuvọ ẹngụ ka wâ ná ọnị tụ́ ịzẹnị nịnị. Ọ kà Ohomorihi ọ tụ́ ọnị dọ ọvịdị ẹnịnị vẹ ịzẹnị ka ọnị ọ̀ va dọ aza ha nị.

2 Ịsamụwẹrị 16:12

Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”

1 Ohinọyị 12:15

Ẹnẹyịmavara ọ mẹ ka ohinọyị ọ̀ maanị tụ́ ohi ịrẹyị ẹnẹnị nị agụvị dị ọ zụ mẹ ịsị ọ ka ọnị vaa mẹ ohinọyị. Ịsị ọ ka ọnị vaa mẹ aanị vị ọnị ọ vịdị mẹ ka Ahija Anisiro ọ̀ kà yi Irehobowami ozi Inebati. Ịsị ẹ mẹ ka asị ohinọyị wụ́ ịrẹyị aza ẹnẹẹ ọ vị ọnọọ nị.

2 Ohinọyị 20:19

Dị Ihezekaya tụ́ Ayịsaya ohi ka ịrẹyị Ẹnẹyịmavara ọnị ọ kà o zoza. Ama ọnị ô ro o, Áa vaa nyị ẹngwọọrọ ọnịrị ọyịtụreyi ịnị ụmẹ anị?

Inehemaya 9:5

Ọdọvịdị Ireevi nịnị ẹ vị, Ijesuwa, Ikadimẹrị, Ibani, Ihasabineya, Iserebiya, Ihodiya, Isebaniya ọnịrị Ipetahiya nị. Ẹnịnị ệ hị́ aza ka ẹ̀ kwẹẹtẹ dị ẹ sị ụga yị Ẹnẹyịmavara Ohomorihi ẹnịnị agụvị ka ọnị ọ̀ yara pooro zịna-zịna nị. Dị e nyima aa si ụgaa yị ịrẹha Ohomorihi nị. Dị ẹ ka ụbanyị anị ô huna ịsa ọza zụ ro, ọnịrị ịsa irenu zụ ka.

Ijoovu 1:11

Ẹnẹyịmavara ọ̀ọ dọ Ijoovu avaba ogu ọnị nyị aanị, Ijoovu vị anaa ya eyi anị ka ọhịmị anị.

Ijoovu 2:10

Ama dị Ijoovu tụ ose anị ohi, dị ka asị ọ rẹ ka ịrẹyị anka ọnyẹnẹẹ ẹnẹ yị yẹ ịrẹyị avọọ. Ohomorihi ana sị ọyịza yị ọza ọ rẹ sị odivi vaka vẹ. Ịnị avaba ịsa ene tu Ijoovu, ọ́ yị rẹ va ka ọhịmị Ohomorihi vụrụ-vụrụ.

Ijoovu 9:12

Ohomorihi ọ̀ọ sị ịsị e zee eyi, ẹnẹ zụ za? Ẹnẹ zụ họ̀ ọ use ka sị ẹ vẹ?

Ahẹ Ụgama 34:1

Ẹnẹyịmavara vị ọnị mị vaa kụ́ avọọ pooro kẹnẹ Avọọ m mẹ̀ vaa kụ́ ọ pooro nị irenu amị ọ yị vaa tịtẹ.

Ahẹ Ụgama 34:2

Ẹnẹyịmavara mị vaa sị mẹ ụbanyị nị Aza ana aza aa mẹ ehunaa yị ẹ̀ wụ dị ẹnị ẹ̀ rẹẹ jẹ ịrajẹ.

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ahẹ Ụgama 49:17

Ịhị òo sú, ọ yị kú ogu anị za A yi nyị ogu anị ikonya ene e vee ne vaka a.

Ịrẹyị Ọzwọzịsa 12:7

A vaa sị ọchẹngụ ayị varẹma nee chire ẹtẹ, dị ụhwẹ ayị varẹma ka Ohomorihi ana sị yị na.

Ịrẹyị Ọzwọzịsa 5:14

À vị ka ịrẹyị odivi ọ mẹ ka avaba ogu ọnị ọza nyị ọ̀ jị ọ ụvọ dị asị a nyị ịsị ẹ vọ ana vọrọ ka hụrẹ ụvọ tịtẹ yị ozi anị.

Ịrẹyị Ọzwọzịsa 5:15

Ahwaahụ ọnị ọza zị va ngụ ẹhẹ ọ rẹ vaa zị hụụnị anị nị. Ẹ yị nyị ịsị ọ vaa sị hụụnị avaba ịsị ọ sị ẹhị ẹngụ anị mẹ.

Ịrẹyị Ọzwọzịsa 5:19

Ọza ọnị Ohomorihi ọọ sị ẹkẹhị ọnịrị ogu mẹ ẹyịza dị o si oze yọ ka ọ sịị mẹ ayohine nị ọọ jẹ. Ọ̀ sịị mẹ ayohine ka ọgụ ụkọrọ anị ọ vị ọnọọ nị. Ohomorihi ọ sị mẹ̀ ẹ ẹyịza nị.

Ayịsaya 24:15

Dị aza ana ra hi eyi ịzị ọyịị̄ zịị hụrẹ ẹnị raa kà ịrẹyị ụbanyị Ẹnẹyịmavara. Aza ana ra hi ini òkū vaa sị Ẹnẹyịmavara ana vị Ohomorihi Anisirẹrị tụ́ ẹba.

Ayịsaya 42:24

Ẹnẹ hụrẹ Ijekọvụ ụvọ yị aza ana kụ́ wa ẹnya? Ẹnẹ hụrẹ Isirẹrị ụvọ yị anako nịnị? Ẹnẹyịmavara ụvọta, ọnị ị mẹ̀ ebira odivi hii yọ nị. Yẹ̀ yị zẹẹ ka ya ra anka o mè sì, dị yẹ̀ yị zẹẹ ka ya saasa ọda anị nị.

Ayịsaya 45:7

Ọnị ọ tụ ẹtohweyi ọnịrị ịrahụ nị. Ọnị ọ mẹ ọyịza ọnịrị ọhịmị nị. Ọnị Ẹnẹyịmavara ọ mẹ avaba ịsa ẹnẹnị nị.

Arụwẹ 3:38

Ohomorihi ene hu kere-kere ọọ̄ mẹ̀ ọda dị ịrẹyị ọyịza ọnịrị odivi ẹ̀ vaa mẹ̀ nị.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Imatiwu 20:15

Aanịka me yi re oze sị ẹkẹhị amị mẹ̀ ịsa ene zé mi eyi? A vị agụvị ka mâ mẹ ẹyịza, áyị aa sịị kụ́ wụụ?

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

Anẹhwẹsọsị 5:20

Ịnị avaba ụmẹ ọnịrị tụ́ ịrẹsụ avaba ịsa, waa kụ́ Ohomorihi Ada ayị avọ nịnị ini oze ịrẹha Ijeesu Ikirisiti Ananyị yị.

1 Anịtẹsaronika 5:18

Ịsa tụra ịsa ana àaa mẹ, waa kụ́ Ohomorihi avọọ pooro. Ẹ́wụrị Ijeesu Ikirisiti mẹ̀ sị vị ọnya nịnị aanị, ịsị Ohomorihi sì ka wa kụkụụ mẹ nịnị ọ vị ọnọọ nị.

1 Itimoti 6:7

Ẹ yị nyị ịsị ị za vẹ ẹhẹ ọnọnị. Ya rẹ yẹ ka yàaa na, ẹ yị nyị ịsị ị zụ sị na.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

Iruutu 1:21

Mị gụ ahụ gụ ụvọ na jịnẹ nị, ama di Ẹnẹyịmavara tụ́ mị avọ osusu vavẹ eehi nị. Sị ẹ vẹ dị wụ kụkụ aa yịị hị́ mị Inawomi? Wê re ka Ẹnẹyịmavara ọ raà và ịrẹma amị, dị ọ kụ́ odivi tù mị nị.”

1 Ịsamụwẹrị 2:7

Ẹnẹyịmavara ọ zụ mẹ ka aza ẹnyị ẹ̀ vị onosiye, dị ọsa ẹ̀ vị ọzọbanyị nị. Ọnị ọ kà aza ẹnyịị chi, dị ọ kà ọsa hịrẹ nị.

1 Ịsamụwẹrị 2:8

Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.

1 Ịsamụwẹrị 3:18

Ịzẹyịza dị Ịsamụwẹrị kà avaba ịrẹyịị yọ nị. Ẹ yị nyị ọnị ọ sị tẹ vụrụ-vụrụ. Ịjị Eri sị avaba ịrẹyị wụ́ dị ọ ka ọnị ộ dọ, Ohomorihi ọ vị Ẹnẹyịmavara nị, ịsị òo ro ka ô zoza kẹnẹ, ọ̀ mẹ̀ ẹ.