Ijoovu 1:16 - IWE ỌNỊNỊ

¹⁶ Ịrẹyị anị ọ yị ta a ka, dị ozi ahụ anị ọsa sị enube vẹ ka yị ọ nị. Ọ kà Ohomorihi ộ tụ ịra hụrẹ ẹbẹẹba va wụ̀ avaba atẹmẹ anị ọnịrị ezi ahụ anị ene hi ịzọọ. Ọnị ịnya kẹnẹ ọ ha ka ọnị ọ va ka enube yị ọ nị.

Ijoovu 1:16 ပူးပေါင်းရင်းမြစ်များ

Oyinyima 19:24

Dị Ẹnẹyịmavara zụ̀ ịra ana a sị ohuru tụ́ hi ịnị ẹkụra Isodọmị ọnịrị Igomora nị. Ẹbẹẹba Ẹnẹyịmavara zụ̀ ọ hụrẹ vẹ nị.

1 Ohinọyị 18:38

Dị ịra vana hụrẹ ịda Ẹnẹyịmavara vẹ, dị ọ rị ịsa ịsọvọ ọnọọ ọnịrị ọkụ anị ịra nị. Ịrẹta ọnịrị ezi ne beri enyi ene hi ini ahata vị ọnị ịra ọnọọ rị saka-saka.

2 Ohinọyị 1:10

Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra da chí vẹ, dị ọ wụ ọga isoja ọnọọ ọnịrị aza anị nị.

2 Ohinọyị 1:12

Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra dị hụụ ịdị Ohomorihi chí vẹ, dị ọ wụ̀ wa nị.

2 Ohinọyị 1:14

Ọga isoja ẹẹva ana á vịdị tụ́ vẹ vị ọnị ịra hụrẹ ẹbẹẹba vẹ, dị ọ wụ ẹnịrị aza ẹnịnị; ama Erija ọ̀ navọ ọ̀ vayị anị de.

Ahẹ Ụgama 45:3

Ohinọyị ana nyị ụkata, sị ụhwọ awụ hara kẹnẹ, ka ụbanyị ọ sị vị awụ da.

Ọyịkụra 9:28

Dị ọ ka aarịhịnị Imosiisi ọ̀ dá ịpẹ yị Ẹnẹyịmavara kà opomi ọnịrị ata orihi ọnọnị ô zee ọgọnị. Ọ kà ọnị aa hụrẹ wa ụvọ ka ẹ̀ẹ na. Ọ kà asị ẹ kụkụ yà ịzọọ.

Ireevi 10:2

Kẹnẹ, dị ịra vana dà hụrị ọvịdị Ẹnẹyịmavara ve ku wa, dị ọ wụ̀ wa va hi ẹtẹ ọvịdị anị nị.

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Emọsị 7:4

Ẹnẹyịmavara Ochẹtẹẹngụ ọ rẹ sị etore ọsa zụ Emọsị. O ka ọnị aa sị ịra ọbanyị sị ụya rị aza anị. Ịra ọnọọ vaa wara oku, dị ọ rị avaba ẹtẹ ọnọọ ịra hụyẹ-hụyẹ

Ẹtore 13:13

Dị ọ mẹ̀ ụkọrọ ohyozirenu irenyi-irenyi nị. Ọ́ọ mẹ ka ịra ọ̀ hụrẹ ẹbẹẹba chí vẹ ịnị ẹhẹ éyi avaba aza.

1 Ịsamụwẹrị 14:15

Angwahi ộ ka avaba isoja Anihwirisiti vẹ. Isoja ene hi udi ịnị avị ọnịrị ene hi ẹhẹ ana aa dụ aza, dị ẹ yaa dọ wa ẹnya vị ana angwahi ngụ ẹngụ. Ohomorihi ộ mẹ̀ ka ẹtẹ ò zizi.