Ijoovu 1:1 - IWE ỌNỊNỊ

¹ Â nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 1:1 ပူးပေါင်းရင်းမြစ်များ

Oyinyima 10:23

Di ezi Aramị ẹnị vị Uzi, Ihuri, Ịgẹtẹrị ọnịrị Imasi nị.

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

Oyinyima 36:28

Ezi Idisoni ẹnị vị Uzi ọnịrị Arani.

Oyinyima 42:18

Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

1 Ịtọpa 1:17

Ezi anọrụ Isemi ẹ vị Erami, Asịhọ̀, Aripakisadi, Irudi, Aramị, Uzi, Ihuuri, Ịgẹtẹrị, ọnịrị Imeseki nị. Ẹnịnị ẹ vị ohiku ana aa sị ịrẹha ẹnịnịị hị́ aanị nị.

1 Ịtọpa 1:42

Ezeri ọ ma ezi ana aā hị́ Ibirihani, Ịzaavanị, ọnịrị Ijaakanị nị. Dị Idisoni ọnị ma Uzi ọnịrị Arani nị.

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ijoovu 4:6

Ẹ yị vọrọ ka Ijoovu ọọ hụrẹ ayịnẹ ịrẹma ọnị o hí angwa Ohomorihi dị aa mẹ ịsị ẹ vọrọ.

Ijoovu 9:21

Ịzị ẹhẹ o du ọnị eyi tu aanị, ẹ yị nyị ịzị ịhị ọyị rị kanyị ọnị.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 14:2

Ọza anaā ra a mẹ vọrọ vị eneē hí angwa Ẹnẹyịmavara ama ọza ana ra ẹhẹ akụvị vị anaā si eyi wụ ọ.

Ụhịrẹyị 16:17

Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 20:7

Ọza ọyịza vị anaā ra a mẹ vọrọ, ịrẹma anị vị eneē zee yị ezi anị.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ijeremaya 25:20

Ẹnị ọdọvịdị Ijipiti, avaba Anijipiti nịnị ọnịrị azọga ana ra beri wa, avaba ohinọyị ẹtụ Uzi ẹnịrị avaba ohinọyị ẹtẹ Anihwirisiti (ẹtẹ Anihwirisiti ẹnẹẹ ẹ vị Asikeroni, Igaza, Ekironi, ọnịrị ana vọ ẹtẹ Asidodi nị).

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Ezikẹẹrị 14:20

Inowa, Ịdanịyẹrị ọnịrị Ijoovu ẹ̀ẹ daka Yà ịzọọ, àa yị vị ọnị Ẹnẹyịmavara ọ vị Ohomorihi ana yara nị, ẹnịnị ẹ́ yị va zụụ dọ ezi ẹnịnịị ha. Ẹngụ ẹnịnị kẹnẹ ẹ́ va zụụ sị ebira ọyịza ẹnịnịị dọ ọ ha nị.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iwe Ọhụhị Imosiisi ana aa hị́ Ọyịvatụrọda 18:13

Re ka waa sị ayị tụra Ẹnẹyịmavara Ohomorihi awụ nịnị ọnịnya kẹnẹ.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

1Ipita 3:11

Na hụụnị ebira odivi ọyịmẹ̀, dị ọ̀ọ mẹ̀ ebira ọyịza, dị ọ̀ rẹẹ sị avaba ayị anịị sì ẹngwọọrọ.