Ịjọọnụ 9:31 - IWE ỌNỊNỊ

³¹ Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị.

Ịjọọnụ 9:31 ပူးပေါင်းရင်းမြစ်များ

Ụhịrẹyị 15:29

Ẹnẹyịmavara wụ́ aduwa aza ọyịza, ama aza edivi vị ọnị ọọ̄ sị eyi jịnẹ.

Ayịsaya 1:15

Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba.

Ụhịrẹyị 28:9

Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị.

Imika 3:4

Ẹkụhị ọnya u vee nowu ka Ẹnẹyịmavara ọ̀ ba wụ owu di o yi tụ́ ohi. Ụ́ màa mẹ̀ ebira odivi nịnị aanị, ụ vaa dá ịpẹẹ yọ di o yi tụ́ wu nịnị ohi.

Ahẹ Ụgama 145:19

Ịsị aza ene hí angwa anị ee sì vị ọnị ọọ̄ sịị yị wa. Ọọ̄ wụ́ ịpẹ ẹnịnị, dị ọ dọ wa tụ́.

Ịzakaraya 7:13

Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa.

Ụhịrẹyị 21:13

Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ịjọọnụ 4:34

Dị Ijeesu va kà a yị wa ka, “Ịsọyịrị amị ọ vị ka ma mẹ̀ ịsa ọnị ọza ana tụ́ mị vẹ ẹhẹ sì, dị ma mẹ̀ ụkọrọ anị ta nị.

Ahẹ Ụgama 18:41

E yee nowu, ama e yi re ọza ba wa owu Ê nowu na za Ẹnẹyịmavara ama o yi tụ́ wa ohi.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ijoovu 35:12

Ẹnịnị vaa jị òrèrè ka à va gụ ẹnị ụvọ, ama Ohomorihi e yi tụ́ ohi, agụvị ka ẹ yaa sị ẹngụụ tụ ẹba, dị ẹ rẹ yaa mẹ̀ ebira odivi nị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ayịsaya 58:9

Ụmẹ ọnị ẹ̀ẹ sị mẹ̀ aduwa, ọnị vaa wụ́. Ẹ̀ẹ hị́ ọnị, ọnị vee tu wa ohi. Ama asị ẹ kụkụ rẹ mẹ ẹvaya yị aza, asị ẹ rẹ sị eyi wụ̀ aza, dị asị ẹ rẹ ka odivi aza.

Ahẹ Ụgama 143:10

Ẹwa vị Ohomorihi amị nị. Navọ ịsị wèe sì ka ma mẹ, ma yẹ. Navọ ò zee mi, dị waa zụ̀ mị oze ọnị mi vaa zi, di asị a nyị ịrẹyị.

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ahẹ Ụgama 99:6

Imosiisi ọnịrị Eerọnị yà ịnị aza ana vị ohirẹsụ irehi Ohomorihi. Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Anihiburu 10:7

Dị mị ka, “Ohomorihi, ẹmị yọ, máa vẹ ka ma va mẹ isi u wèe sì ka ma mẹ, anka a mẹ̀ chẹrẹ ẹ ini oze amị tụ́ ini Iwe Ohomorihi.”

Iwe Ọhụhị Imosiisi ana aa hị́ Ọyịvatụrọda 1:45

Ịjị ẹ vaa vẹ, dị e vee sụ ùnè hi Ẹnẹyịmavara ẹngụ. Ama o yị tụ wa ohi.

Ijoovu 35:13

Ịzẹyịza, Ohomorihi ẹ́ ma wụ orere kẹnẹ-kẹnẹ, Ohomorihi Ochẹtẹẹngụ.

Ịjọọnụ 9:30

Dị ọnọrụ ọnọọ kà a yị wa ka, “Ho! Ịrẹyị ọnị ụ waa kà nịnị aanị, o si hí mi eyi. Ụ ka wẹ yị yẹ ịzọọ hụrẹ vẹ nịnị, ama ọnị ọ há ẹmị eyi nị.

Ịjọọnụ 9:32

A mẹ̀ hụrẹ mẹ ẹhẹ, ọza ọọ̀ yị wụ́ da ka â nyị ọza ana há eyi ọza ana a ma ogweyi.

Ịjọọnụ 11:22

Ama mâ yẹ ka booro aanị, ịsị ụ wàa dá ịpẹ ka Ohomorihi ọ̀ mẹ wụ kẹnẹ, ọ raa mẹẹ wụ nị.”