Ịjọọnụ 9:22 - IWE ỌNỊNỊ

²² Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Ịjọọnụ 9:22 ပူးပေါင်းရင်းမြစ်များ

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Ịjọọnụ 1:19

Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 19:38

 nyị ọnọrụ ọnya aanị ana aā hị́ Ijosẹẹhụ Anarịmatịya. Ozirẹma Ijeesu ọ vị ini ewere nị, agụvị ka angwa Aniju nịnị ee hí ọọ. Dị ọ na dá ịpẹ yị Ipayireti ka ọnị aa naa sị oku Ijeesuu hụụ ịzọọ nị. Dị Ipayireti ka ooho nị. Ijosẹẹhụ ộ na, dị ọ na sị ọọ nị.

Ịjọọnụ 20:19

Oruva ịhị ọnọọ gẹdẹ-gẹdẹ ana vị ẹkụhị ọsẹ, dị ezirẹma Ijeesu kụ́ gụ hi ini eehi, di e chire oze hi ẹngụ nị, agụvị ka angwa Aniju nịnị ee hí wa. Dị Ijeesu vana va jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 7:13

Ama ẹ yị nyị ọza ana nyayịnẹ kà ịrẹyị anị tụ́ ẹhẹ, agụvị ka eyee hí angwa ọdọvịdị Aniju nịnị.

Ịjọọnụ 9:18

Ama Aniju nịnị e yi sì ka ẹnị ẹ̀ dọ wụ́ ka ọnọrụ ọnọọ ô vịdị gu eyi da, di o vee re ẹtẹ booro aanị. Agụvị avọọ dị ẹ hị́ aza ana ma ọza ana a há eyi aanị,

Ịjọọnụ 9:21

Ama ọ mẹ̀ zị ọọ, di o vee re ẹtẹ booro aanị, yẹ yị yẹ. Yẹ yị rẹ yẹ ọza ana há a eyi. Ọnị ụvọta ọ sị vịra, na họ̀ ọ use nịnị! Ọ vaa kà irenu anị.”

Ịjọọnụ 9:34

Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

Ịjọọnụ 9:35

Ijeesu ộ wụ́ ka ẹ sị ọnọrụ ọnọọ dụ kwooze. Ịjị o re e, ộ họ̀ ọ use ka, “Wáá sị ayị tụra Ozi Ohomorihi?”

Odeyi 4:18

Dị ẹ hị́ wa, dị ẹ mẹ ọda yị wa ka ẹ yị kụkụ nyayịnẹ kà ịrẹyị ịnị ịrẹha Ijeesu, ẹ yị rẹ nyayịnẹ vavọọ zụ̀ aza ịsa nị.

Odeyi 5:13

Ẹ yị nyị ọza ana nyayịnẹ hụra sị ẹngụ va vaka wa, ama aza aa sị ụbanyịị yị wa ẹtẹẹtẹrẹ.

Odeyi 5:40

Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”