Ịjọọnụ 8:51 - IWE ỌNỊNỊ

⁵¹ Ịzẹyịza m maa kà a wụ nịnị nị, ọza ana àa sị ụvọ za ịrẹyị amị, o yi kuku vee sú paa.”

Ịjọọnụ 8:51 ပူးပေါင်းရင်းမြစ်များ

Ahẹ Ụgama 89:48

Ẹ̀nị ẹ ka ọnị mẹ̀ vẹ ẹhẹ anị o yi vee sú? Mị ka ẹnị ẹ ka ọnị ọ yị vaa nọ ini ikuta?

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Iruuku 2:26

Ộ vịdị sị zụ̀ ọ ka o yi vee sú pooro di ò re Ikirisiti oni Ohomorihi aa tụ́ụ vẹ ẹhẹ.

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 6:50

Ẹmị ọnọnị ọ vị ịsọyịrị ana hụrẹ ẹbẹẹba vẹ nị, ọza ana àa rị ịsọyịrị ọnọnị, o mē vene sú paa.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

Anihiburu 11:5

Enọkị ọnị ọ rẹ sị ayị tụra Ohomorihi. Agụvị avọọ Óhomorihi sị sị ọọ nọ ẹbẹẹba ireyi-ireyi, dị ò yi sú nị. Ọza o yi kuku re e, agụvị ka Ohomorihi ọ raà sị. Dị a va sị ọọ nọ ẹbẹẹba, â vịdị dọ ivenu tụ́ ọọ ka ebira anị ô zé Ohomorihi eyi.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.