Ịjọọnụ 8:26 - IWE ỌNỊNỊ

²⁶ Â nyị ịsa ọrụrụ-ọrụrụ ọnị mị zụ kà, dị ma rẹ sị jị ịvị wụ nịnị. Ama Ọza ana tụ́ mị vẹ ẹhẹ vị ọnịzẹyịza. Ịrẹyị anị ọnị mị wụ́, m maa kà a yị anẹhẹ nị.”

Ịjọọnụ 8:26 ပူးပေါင်းရင်းမြစ်များ

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 16:12

“Mị yaanị yị nyị ịrẹyị ọrụrụ-ọrụrụ ana a vọrọ ka ma kà wụ nịnị; ama wẹ yị kụkụ zụ za a nịnị booro aanị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 18:20

Dị Ijeesu tụ́ ohi, dị ọ ka, “Ịnị eyigede mị yàā kà ịrẹyị amịị yị avaba anẹhẹ nị. Ini irehi Ohomorihi mị yàā zụ̀ aza ịsa nị, ọnịrị ini irehi Ohomorihi ịzị Aniju nịnịị̄ kụ́ gụ. Ẹ yị nyị ịrẹyị amị ọnị mịị̄ kà ini ewere.

Ịjọọnụ 3:11

Dị ma kà ịzẹyịza wụ, ịsa ọnị ị yẹ, ị yaa kà nị, dị ị raa dọ ivenu tụ́ ịnị ịsa oni i si re nị. Ama we yi sì ka wa dọ ịrẹyị ayị nịnị.

Ịjọọnụ 7:16

Dị Ijeesu tụ́ wa ohi, dị ọ ka, “Ịsị maa sịị zụ̀ aza aanị, ẹ yị vị ịrẹyị ẹmị ụvọta ọ vị, ama ịrẹyị Ọza ana tụ́ mị vẹ ẹhẹẹ yọ nị.

Ịjọọnụ 7:28

Íjeesu màa zụ̀ aza ịsa ini irehi Ohomorihi, dị ọ kà ịrẹyị tụ́ ẹba nị, dị ọ ka, “Wáá yẹ mị nịnị? Wáá rẹ yẹ ịzị mị hụrẹ vẹ nịnị? Ẹ yị vị ẹmị ụvọta ọ tụ́ ẹngụ amị vẹ ẹhẹ. Ọza ana tụ́ mị vẹ ẹhẹ vị ọnịzẹyịza; ama wẹ yị yẹ ẹ nịnị.

Ịjọọnụ 8:25

Dị ẹnịnị rẹ họ̀ ọ ka, “Ẹwụ ẹnẹ ọ vị?” Dị Ijeesu ka, “M mẹ̀ yị kà a wụ nịnị hụrẹ ụmọrụmọ avọọ, mị vị nị.

Ịjọọnụ 8:27

Ẹnịnị ẹ yị yẹ ka ini oze Ohomorihi Ada ayị aa kà a yị ẹnị nị.

Ịjọọnụ 8:40

Ẹmị vị anaā kà a wụ nịnị ịsa oni Ohomorihi kà mị; ama wee sì ka wa wụ̀ mị nịnị. Abụrahamị ọ yị vavọọ mẹ.

2 Anịkọrịntị 1:18

Mâ sị Ohomorihi ana vị ọnịzẹyịza tẹ ivenu ka ịrẹyị ọnị mị kà wụ nịnị, ọyị vị ịrẹyị hịịn, eyiye.