Ịjọọnụ 8:20 - IWE ỌNỊNỊ

²⁰ Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 8:20 ပူးပေါင်းရင်းမြစ်များ

1 Ịtọpa 9:26

Ẹnị ẹyịna ana vị ohi-ohi oserẹtẹ aanị avaba ọda ụkọrọ ọnọnị yà ụvọ nị. Ẹnị ee sere aku-aku ene hi ini irehi Ohomorihi ọnịrị avaba ịsa á kụ́ hi ịzọọ nị.

Imatiwu 26:55

Dị Ijeesu kà a yị wa ịnị ụmẹ ọnọọ ka, “Ẹmị ụ kụ́ ụhwọ ọnịrị arubebe aa vaa za nịnị anka oyi avọọ nịị? Eyinị-eyinị ẹmịrị ẹwụ nịnị ộ yà ini irehi Ohomorihi, dị maa zụ̀ wụ nịnị ịsa nị, wẹ yị za mị nịnị.

Imatiwu 27:6

Dị ohirẹsụ ẹbanyị irehi Ohomorihi kụ́ ẹkẹhị ẹnẹẹ, dị ẹ ka, “Ẹkẹhị enee si sí ọza ana wụ̀ ọza ụta yị; ọda ayị ọ yị zẹẹ ka à sị tụ́ ini irehi Ohomorihi.”

Ịmaakị 12:41

Ijeesu ộ yaayịtẹ ini irehi Ohomorihi, ộ và eyi ká ịzị aā sị ẹkẹhịị tụ́. Di ee re, aza mẹmẹ aa sị ẹkẹhịị tụ́ ịzọọ nị. Opisa ọrụrụ-ọrụrụ ệ sị ẹkẹhị ọbanyịị tụ́ ịzọọ.

Ịmaakị 12:43

Dị Ijeesu hị́ ezirẹma anị, dị ọ ka, “Ịzẹyịza m maa kà a wụ nịnị nị, osoku onosiye ọnọnị ọ mẹ huna avaba aza ana vọ nị;

Iruuku 20:19

Ohirẹsụ ẹbanyị irehi Ohomorihi ọnịrị ọzwọzọda nịnị ê sì ka ẹnị è za Ijeesu ịzị ịzọọ, agụvị ka ịrẹyị ẹnịnị Íjeesu si che ụhịrẹyị ọnọọ nị. Ama angwa aza ee hí wa.

Iruuku 21:1

Ijeesu ộ kana eyi, di o re, opisa nịnị màa sị ẹyịza ẹnịnị vaa tụ́ ịzị aā sị ẹkẹhịị tụ́ ini irehi Ohomorihi nị.

Ịjọọnụ 10:39

Di e re yee sì ka ẹnị ẹ̀ za Ijeesu nị, ama dị ọ sị tụ̀ wa ụvọ nị.

Ịjọọnụ 2:4

Dị Ijeesu kà a yọ ka, “Ịnya, sẹ jị gẹ ẹmịrị ẹwụ? Ụmẹ amị o yi tù.”

Ịjọọnụ 7:14

Ịjị a sị ngụ achẹva eche, dị Ijeesu nọ ini irehi Ohomorihi, dị ọ na zụ̀ aza ịsa nị.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 7:44

Aza ẹnyị yaanị sì ka ẹnị ẹ̀ za a, ama ẹ yị nyị ọza ana sị ụvọ kanyị ọọ.

Ịjọọnụ 7:8

Ẹwụ nịnị ọ̀ọ hịrẹẹ nọ ini eche ọnọọ! Ẹmị ẹ̀ yị nọ, agụvị ka ụmẹ amị oò yi tù.”

Ịjọọnụ 8:2

Ẹnẹnẹ viri-viri eyinẹhẹ anị, dị ọ rẹ vavẹ ini irehi Ohomorihi nị. Dị aza rẹ wara ve tù ọọ nị. Dị Ijeesu yaayịtẹ, dị aa zụ̀ wa ịsa nị.

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.