Ịjọọnụ 8:2 - IWE ỌNỊNỊ

² Ẹnẹnẹ viri-viri eyinẹhẹ anị, dị ọ rẹ vavẹ ini irehi Ohomorihi nị. Dị aza rẹ wara ve tù ọọ nị. Dị Ijeesu yaayịtẹ, dị aa zụ̀ wa ịsa nị.

Ịjọọnụ 8:2 ပူးပေါင်းရင်းမြစ်များ

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ijeremaya 25:3

Ọ sị mẹ ịrayị ohurẹẹta ọnị Ẹnẹyịmavara hụrẹ ee pe ọnị kà ịrẹyị. Hụrị ịrayị ẹwụrẹta ọnị Ijosaya ozi Amọnị sị vị ohinọyị Ijuda pooro va ngụ ajịnị ọ́ vavọọ aa kà ịrẹyị yị ọnị nị. Ijeremaya ka, ẹ́ yị nyị ịsị Ẹnẹyịmavara kà yị ọnị ọnị ẹ̀ yị kà yị wa. Ama wẹ yị wụ nịnị.

Ijeremaya 32:33

Ọ kà, ẹnịnị ệ varẹma ka ọnị, ọnị ọ ka ịrẹyị yị wa pooro ẹnịnị ẹ́ yị wụ́ ịrẹyị anị.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Imatiwu 26:55

Dị Ijeesu kà a yị wa ịnị ụmẹ ọnọọ ka, “Ẹmị ụ kụ́ ụhwọ ọnịrị arubebe aa vaa za nịnị anka oyi avọọ nịị? Eyinị-eyinị ẹmịrị ẹwụ nịnị ộ yà ini irehi Ohomorihi, dị maa zụ̀ wụ nịnị ịsa nị, wẹ yị za mị nịnị.

Iruuku 21:37

Ụmẹ ọnọọ, dị Ijeesu aa zụ̀ aza ịsa ụmẹ ọọdụ ini irehi Ohomorihi nị. Ịrahụ, dị ọ na yà ịnị ataba ana aā hị́ Ataba Orivi.

Iruuku 21:38

Ẹnẹnẹ viri-viri, dị avaba ọzọza nọ ini irehi Ohomorihi ka ẹnị ẹ̀ na wụ́ ịrẹyị anị.

Iruuku 4:20

Dị Ijeesu kú iwe ọnọọ oku, dị ọ rẹ sị yị ọza ana sị eyi pe iwe, dị ọ na yaayịtẹ nị. Dị aza ene hi ini irehi Ohomorihi ọnọọ sị eyi pe Ijeesu, di eyee re e gegege nị.

Iruuku 5:3

Dị ọ ngụ ọnya ịnị ẹpa ẹnẹẹ nị, ana vị Ịsayịmọnị. Dị ọ dá ịpẹ yọ ka ọ̀ kà a hụrẹ ụtọ irehu chee nọ ini enyi nị. Dị Ijeesu yaayịtẹ ịnị ẹpa ọnọọ, di aa zụ̀ aza ịsa nị.

Ịjọọnụ 4:34

Dị Ijeesu va kà a yị wa ka, “Ịsọyịrị amị ọ vị ka ma mẹ̀ ịsa ọnị ọza ana tụ́ mị vẹ ẹhẹ sì, dị ma mẹ̀ ụkọrọ anị ta nị.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 8:3

Ọzwọzọda nịnị ọnịrị Anihwarisi nịnị ệ sị ọnẹẹ ọnya aanị vẹ. Ọnẹẹ ọnọọ vị ẹnẹ ẹ za, e mè ne tù ka aa sẹ̀ ịrẹka. Dị ẹnịnị za a va jẹẹ ịnị akakana ẹnịnị nị.

Odeyi 5:21

Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị.