Ịjọọnụ 8:17 - IWE ỌNỊNỊ

¹⁷ Ini iwe ọda awụ nịnị, â chẹrẹ ẹ tụ́ ọọ ka: ‘Aza ẹnị ẹẹva ẹ̀ẹ dọ ivenu tụ́ ịnị ịrẹyị, ịrẹyị ọnọọ vị ịzẹyịza.’

Ịjọọnụ 8:17 ပူးပေါင်းရင်းမြစ်များ

1 Ohinọyị 21:10

Dị ụ kụ́ aza kẹnẹ-kẹnẹ ẹẹva pè Ịnabọtị, dị aza ẹnẹẹ è cheeche kú ọ ka ộ kụ̀ Ohomorihi ọnịrị ohinọyị ụhụ nị. Di ụ sị ọ jịnẹ tụ́ ẹhẹ, di è ne e ịrẹta dị à wụ ọ.”

Ịrịka 35:30

Ọkarẹyị usu ọ za ọza anaa wụ́ ọza nị. Ama a nyị ka e re onivenu ẹẹva da.

Imatiwu 18:16

Ama ọ̀ yị wụ́ ịrẹyị awụ, dị ụ sị ọza ịnya, àa vị aza ẹnị ẹẹva tụra ẹngụ; agụvị ka ịrẹyị onivenu ẹẹva, à vị ẹẹta a sịị̄ sị ahụ ịrẹyịị hi ẹtẹ nị.

Ịjọọnụ 10:34

Dị Ijeesu ka, “Â chẹrẹ tụ́ ịnị ọda awụ nịnị ka Ohomorihi ka: ‘Ẹwụ nịnị vị ene véné Ohomorihi.’

Ịjọọnụ 15:25

Ama â nyị ka ịrẹyị ana a chẹrẹ tụ́ ini iwe ọda ẹnịnị, ọ̀ zụ sẹ. Â vịdị chẹrẹ ẹ ka: ‘Ẹyaa nyị ịhyẹrẹ amị kẹnẹ-kẹnẹ.’

2 Anịkọrịntị 13:1

Ụpẹ ọhụta oni mee vee hee wu nịnị yị. Dị ịrẹyị ọ̀ va nyị ahụ jẹẹ, â nyị ka aza ẹnị ẹẹva, à vị ẹẹta ẹ̀ dọ ivenu tụ́ ọọ.

Anigaratiya 3:24

Ọda vị anaa sị oze zụ̀ yị pooro dị Ijeesu vavẹ, agụvị dị ya zụ vị ọnịrẹyịzẹyịza, agụvị ka yáa sị ayị tụraa.

Anigaratiya 4:21

Ẹwụ nịnị ene ee sì ka ọda ọ̀ọ zụ̀ wụ nịnị oze, aanị ka wẹ́ yị wụ́ ịsị ọda kà nịnị?

Iwe Ọhụhị Imosiisi ana aa hị́ Ọyịvatụrọda 17:6

Di o vee tu ka a wụ̀ ọza ọnyọọnyị, a nyị ka a nyị onivenu ẹẹva, a vị aza ẹnị ẹẹta ana vaa dọ ivenu. Àa vị ọza ịnya kẹnẹ ọ dọ ivenu, ọza ẹ yị nyayịnẹ wụ̀ ọ.

Iwe Ọhụhị Imosiisi ana aa hị́ Ọyịvatụrọda 19:15

Onivenu ikonya ẹ yị hụ jị ịvị ebira odivi yị ọza. A nyị ka a nyị onivenu ẹẹva ana sị zụ ka ọ rị ịvị.

Anihiburu 10:28

Ọza ana àa jịnẹ ọda Imosiisi, dị onivenu gụ ẹẹta, àa vị ẹẹva, ene ree nị, vị aa wụ ọọ nị, ọza ọ yị sị vayị anị.

1 Ịjọọnụ 5:9

Ọza ọ̀ọ dọ ivenu tụ́ ịnị ịrẹyị ọnya, ịị̄ dọ ọ. Yẹ ka Ohomorihi ọ̀ọ dọ ivenu tụ́ ịnị ịrẹyị, ọnị ọ jẹẹ hu nị. Ohomorihi ọnị ụvọta ọ dọ ivenu tụ́ ịnị ịrẹyị ẹnẹnị ana a kà ịnị oze Ozi anị nị.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).