Ịjọọnụ 8:16 - IWE ỌNỊNỊ

¹⁶ Màa daka aa mẹ̀ ọkarẹyị, ọkarẹyị ẹmị vị ịzẹyịza, agụvị ka ẹ yị vị ẹmị ịnya aa mẹ̀ ẹ. Ẹmịrị Ada amị ana tụ́ mị vẹ ẹhẹẹ yọ nị.

Ịjọọnụ 8:16 ပူးပေါင်းရင်းမြစ်များ

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Ịjọọnụ 8:29

Ọza ana tụ́ mị vẹ ẹhẹ yàa mị ịrẹma. Ọ yị navọ ẹmị ịnya tịtẹ, agụvị ka ịsa ene zé e eyi mịị̄ mẹ pooro nị.”

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Ẹtore 19:11

Di mi re ka ihinẹba ộ na hi ẹtẹ nị. Di mi re umaata ọvwọọvụ ọnya aanị nị. Ịrẹha ọza ana tụra a ọ rị Anayọnya ọnịrị Ọnịzẹyịza nị. Ịzẹyịza aa sịị mẹ̀ ọkarẹyị, dị ọ raa sịị kụ̀ ịrẹkụ nị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.