Ịjọọnụ 8:12 - IWE ỌNỊNỊ

¹² Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ịjọọnụ 8:12 ပူးပေါင်းရင်းမြစ်များ

Ijoovu 33:28

Ohomorihi ọ̀ raa dọ ọnị ha ka asị ọnị su ka ọnị ọ yịị yara ọnị dị ọnị o re ẹtẹ.

Ahẹ Ụgama 18:28

Ẹnẹyịmavara, ẹwa sị ẹhẹ amị zoza nị Ohomorihi amị, wa sị etohozi dụ hụụ ịda amị.

Ahẹ Ụgama 49:19

Ama oni vi ene re vee sú anka aza ana vịdị hi ọvịdị anị ẹnịnị e yi kuku vee re ẹtohweyi.

Ahẹ Ụgama 97:11

Aza ana mẹ ịzẹyịza dị ẹ nyị ayị ọnya vee re ẹtohweyi, dị ẹ yaa jẹ.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 9:2

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 5:14

Ẹwụ nịnị ọ vị ẹtohweyi yị anẹhẹ nị. Ẹkụra ana yà ịrẹsụ ataba, ọ yị zụ tẹ.

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Ịjọọnụ 12:35

Dị Ijeesu tụ́ ohi, dị ọ ka, “Etohweyi vaa yà ịnị akakana awụ nịnị yị ụmẹ chee. Waa zị ụsẹ nịnị ịnị ụmẹ ene ẹtohweyi sị yà ịdị awụ nịnị, ka ẹ̀ yị vị avọọ, ịrahụ va za wụ nịnị. Wâ yẹ ka ọza ana aa zị ụsẹ ịnị ịrahụ, ọ yị yẹ ịzị aa nọ.

Ịjọọnụ 12:36

Etohweyi mẹ̀ yị yà ịdị awụ nịnị aanị, dọ ẹtohweyi ọnọọ wụ́ nịnị, agụvị dị ụ wa zụ vị ezi ẹtohweyi nịnị!” Ịjị Ijeesu vavọọ sị kà kẹnẹ, di o si hu, dị ọ sị ẹngụ anị tẹ yị wa nị.

Ịjọọnụ 12:46

Mâ vẹ ịnị ẹhẹ anka ẹtohweyi, agụvị ọza ana àa sị ayị tụra mị, asị ọ kụkụ yị yà ịnị ịrahụ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 3:19

Ịvị ana aza ẹnẹẹ rị, yị: Ka ẹtohweyi ộ vẹ ịnị ẹhẹ, ama aza ê sì ịrẹyị ịrahụ huna ẹtohweyi, agụvị ka ịsa odivi ẹ́ yaa mẹ nị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Ịjọọnụ 9:5

M mẹ̀ yị yà ịnị ẹhẹ aanị, ẹma vị ẹtohweyi yị anẹhẹ nị.”

Odeyi 13:47

Ọda oni Ohomorihi mẹ yị yị. Ọ kà: “Ma sị wụ nyị ka wa vị ẹtohweyi yị anẹkụra ẹnẹ ẹ̀ yị vị Aniju; dị ụ wa na zụ avaba anẹhẹ oze ana zụ zị dọ wa ha.”

Odeyi 26:23

Ệ kà a ka â nyị ka Ikirisiti ọ̀ rị ụya, ka ọnị ọ rẹ vịdị vaa vị ọnịpaapa ana ha hụụnị isu nị. Ọnị ọ rẹ vaa sị ẹtohweyi zụ̀ Aniju nịnị ọnịrị Anigiriki nị.”

2Ipita 2:17

Onireche ẹnẹẹ vị ana sị mẹẹ anka ịkangga ẹnẹ ẹ̀ yị nyị enyi avọọ. Vị ẹ rẹ yà anka eguhi ọnị ahị aa kụ́ụ zịịzị nị. Ịnị ịrahụ ruma-ruma Ohomorihi sị eehi ẹnịnị tụ́ pooro zịna-zịna nị.

2Ipita 2:4

Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

1 Ịjọọnụ 1:6

Yàa kà a ka ẹyịrị Ohomorihi ọ́ọ rị vabẹ dị yaā yịị zị ụsẹ ịnị ịrahụ nị, ireche i yee che nị, yẹ́ yị mẹ ịzẹyịza.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Ẹtore 21:24

Avaba anẹhẹ vaa zị ụsẹ ini ẹtohweyi anị, di ohinọyị anẹhẹ nịnị kụ́ ụbanyị ẹnịnị ne hi ịzọọ.