Ịjọọnụ 7:7 - IWE ỌNỊNỊ

⁷ Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Ịjọọnụ 7:7 ပူးပေါင်းရင်းမြစ်များ

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

Ahẹ Ụgama 109:5

Màa mẹ wa ọyịza, dị ẹ sị ịsa odivi si mị atọ. Mê sì ịrẹyị ẹnịnị, ama dị ẹnị aa nyị ịhyẹrẹ amị nị.

Ụhịrẹyị 15:12

Ọza anaā sịị eyi wụ̀ ọza ọ̀ mā dọ ka a tụ ọnị ohuvọ, ọ yị ma rẹ họ̀ use ajuwe hụụnị ụvọ ọza ana yẹ ịrẹyị.

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ayịsaya 29:21

Aza ene eē cheechee kú ọza, dị ẹ̀ yị mà zẹẹ ka aza, ana mẹ̀ ịsa odivi ẹ̀ rị ụya, di e re yee cheechee kú ọza ẹnị ẹ̀ yi nyị ịsị ọ mẹ ka à jị ịvị yọ vị oni Ohomorihi vaa wụụ vàa ha.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ijeremaya 20:8

Ọ kà ụmẹ tụra ụmẹ ọnị ọnị aa kà ịrẹyị vị ọnị ọnịị na owu ka, ezigi aa vẹ! Ee vee vú ẹnị ẹtẹ. Ọ kà, vị Ẹnẹyịmavara, waa kụkụ aa sị eyi wo nị dị aa mẹ̀ ọnị isiya pooro kẹnẹ, agụvị ka ọnị aa kà ụtụ ọnị ụ tụ ọnị nị?

Ireevi 13:10

Ọ vaa zama a re, àa nyị ịtahụ ọvwọọvụ hi ịnị ụpẹngụ anị ana sị ngụ enyi, dị ẹ́ mẹ ka ẹyị ene hi ịzọọ ẹ̀ vara ọvwọọvụ nị,

Ịzakaraya 11:8

Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Iruuku 6:26

Wa sị dà nịnị, wèe re ka avaba aza ee gono wu nịnị, agụvị ka avọọ gẹdẹ-gẹdẹ óhiku ẹnịnị mè re gono ọnịsẹ ireche nịnị nị.”

Ịjọọnụ 17:14

Ma sị ịrẹyị awụ kà yị wa. Ama anẹhẹ aa nyị ịhyẹrẹ ẹnịnị, agụvị ka ẹ yị vị áanẹhẹ ẹ vị. Avọọ gẹdẹ-gẹdẹ ẹ́mị ẹ̀ yị mẹ̀ rẹ vị ẹ́ẹhẹ nị.

Ịjọọnụ 3:19

Ịvị ana aza ẹnẹẹ rị, yị: Ka ẹtohweyi ộ vẹ ịnị ẹhẹ, ama aza ê sì ịrẹyị ịrahụ huna ẹtohweyi, agụvị ka ịsa odivi ẹ́ yaa mẹ nị.

Aniroomi 8:7

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

Anigaratiya 4:16

M máá kụkụ sị vara ọnịvị awụ nịnị agụvị ka maa kà ịzẹyịzaa wụ nịnị nị?

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

1 Ịjọọnụ 4:5

Ọnịsẹ onireche ẹnẹẹ vị ẹ́ẹhẹ, ịsa ẹhẹ ẹ́ rẹ yaa kà nị, agụvị avọọ anẹhẹ sị ụtọ pe wa nị.