5 Ẹyịnyara Ijeesu ịnyẹmba ẹnị ẹyị hyakụ sị ayị tụra a bẹẹ.
Íjeesu màa yịị kà ịrẹyịị yị ọkọnị aza ẹnẹẹ, dị ọnyị anị ọnịrị ẹyịnyara anị vẹ, dị ẹ jẹẹ ẹhẹ nị. Eyee sì ka eni è pe e kà ịrẹyị.
Ịjị aza anị Ijeesu maanị wụ́, dị ẹ na ka ẹnị ẹ̀ na sị ọọ hụụ ịzọọ nị, agụvị ka vị aza kà a ka vi ee che uvu nị.
Ịjị ẹyịnyara anị si hu, dị Ijeesu ọnị raa hịrẹẹ nọ ini eche ọnọọ nị. Ama vi o were na nị, ọ yị sị ẹngụ tụ́ ẹhẹ na ọ maa na.
Dị ẹyịnyara Ijeesu kà a yọ ka, “Hụụ ịzẹnị, dị ụ wa nọ Ijudiya, di ezirẹma awụ ene hi ịzọọ ẹ̀ nyẹngụ re ụkọrọ ọnị ụ waa mẹ!
Ọza ene èee sì ka eyi ọ̀ yẹ ọnị, ọ mā sị ụkọrọ anị tẹ. Ụ mẹ̀ maanị aa mẹ̀ ụkọrọ ẹnẹnị aanị, sị ẹngụ awụ zụ̀ anẹhẹ dị è re e!”
