Ịjọọnụ 7:39 - IWE ỌNỊNỊ

³⁹ Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Ịjọọnụ 7:39 ပူးပေါင်းရင်းမြစ်များ

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

Ụhịrẹyị 1:23

Sị ụtọ pe ohuvọ ọnị maa tụ wụ nịnị. Maa sị ịrẹyọyẹ pá wụ, dị wa yẹ ịrẹyị.

Ayịsaya 12:3

Enyi àa kụ̀ ọza di o re enyi ohunẹnẹ hú nị, wâ yẹ ọ mẹ̀ẹ jẹ. Avọọ aza Ohomorihi mẹ̀ vaa jẹ ịhị ọ̀ọ raà dọ wa ha nị.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Imatiwu 16:14

Dị ẹ ka, “Aza ẹnyị ka Ịjọọnụ ọhwọzenyi ụ vị nị; aza ẹnyị rẹ ka Erija ụ vị nị, dị aza ẹnyị ka ẹwa vị Ijeremaya nị, à vị ọnya ịnị ọnịsẹ nịnị.”

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Iruuku 24:49

Re, mị vaa sị ịsa ana Ada amị kà a ka ẹ yị zụ nyị ka ọnị ọ yị sị wụ nịnị, tụ́ hi wu nịnị. Ama jẹẹ Ijerusarẹmị nịnị pooro di Ohomorihi ọ̀ sị ụkata hụrẹ ẹbẹẹba va wụ nịnị!”

Iruuku 3:16

Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Iruuku 7:16

Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Ịjọọnụ 1:21

Dị ẹ yaa yịị họ̀ ọ ka, “Ẹnị ụ va vị? Ẹ wáá vị Erija nị?” Dị Ịjọọnụ re tụ́ ohi ka, “Mẹ yị vị Erija!” Dị aza ẹnẹẹ rẹ họ̀ ọ ka, “Ẹ wáá vị Ọnịsẹ ọnọọ nị?” Dị Ịjọọnụ kà: “Eyiye” nị.

Ịjọọnụ 1:25

Dị ẹnịnị va họ̀ Ịjọọnụ kà: “Wàa ka ẹ yị vị ẹwa vị Ikirisiti, dị ụ wẹ̀ yị rẹ vị Erija, dị ẹ̀ yị rẹ vị ẹwa vị Ọnịsẹ ọnọọ nị, sị ẹ vavẹ dị ụ wa hụ́ aza enyi ẹdọwụ?”

Ịjọọnụ 1:33

Mẹ yị vịdị yẹ ẹ, ama Ohomorihi ana tụ́ mị ka maa sị enyi mẹ ọyịhwenyii yị aza, ộ vịdị kà a mị ka, ‘Ọza oni u wèe re ka Ụhwẹ Ọnịnị ô chí vẹ, dị ọ va yà ịrẹsụ anị nị, ọza ọnọọ gẹdẹ-gẹdẹ ọ vaa sị Ụhwẹ Ọnịnị hụ̀ aza mẹ enyi nị.’

Ịjọọnụ 12:16

Ezirẹma Ijeesu ẹ yị vịdị yẹ iruvo ịrẹyị ẹnẹẹ. Ịjị a va raà sị igirima Ijeesu zụ̀ aza, dị ẹ va tamayị ọgọnị ka â vịdị vavọọ chẹrẹ ịsa ini oze Ijeesu nị; dị ẹ rẹ sị yẹ ka ọnị ẹnị vavọọ mẹẹ yọ nị.

Ịjọọnụ 12:23

Dị Ijeesu ka, “Ụmẹ o si tù ana a vọrọ ka à sị sị igirima yị ẹmị Ozi ọza onigirima.

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịjọọnụ 14:26

Ohunẹnọzayị ọnọọ ana vị Ụhwẹ Ọnịnị, ana Ada amị vaa tụ́ụ vẹ ịnị ịrẹha amị, ọ vaa sị avaba ịsaa zụ̀ wụ nịnị, dị ọ rẹ mẹ ka wa tamayị avaba ịrẹyị ọnị mị vịdị sị kà a wụ nịnị.

Ịjọọnụ 16:14

Ọ vaa sị igirimaa yị mị, agụvị ka ịrẹyị amị ọ vaa kà a wụ nịnị nị.

Ịjọọnụ 16:7

Ama dị ma kà ịzẹyịza wụ nịnị ka màa na, ọ dahi yị wụ nịnị hu nị. Mẹ̀ yị na, Ohunẹnọzayị ọnọọ ọ yị vaa vẹ ịdị awụ nịnị. Màa zị na, dị mị tụ́ ọọ ve tù wu nịnị.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 17:5

Ọga, sị igirima yị mị ị́dị awụ, igirima ọnọọ ọnị mị nyị, m mẹ̀ yà ịdị awụ hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 20:22

Ịjị ọ vavọọ sị kà, dị ọ tụ́ ụhwẹ kú wa nị, dị ọ ka, “Dọ Ụhwẹ Ọnịnị nịnị!

Ịjọọnụ 6:14

Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”

Ịjọọnụ 7:12

Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Ịjọọnụ 8:54

Dị Ijeesu ka, “Àa vị ẹmị ụvọta aa sị ụbanyịị yị ẹngụ amị nị, ẹngụ ụbanyị ọnọọ vị ịyẹyẹ. Ada amị aa sị ụbanyịị yị mị nị. Ada amị ọnọọ ụ ka ộ vị Ohomorihi awụ nịnị nị.

Odeyi 19:2

Dị ọ họ̀ wa ka, “Wáá sị Ụhwẹ Ọnịnị dọ, ụ mẹ̀ dọ wụ́ nịnị?” Di e tụ́ ohi, dị ẹ ka, “Yẹẹ̀ yị hyakụ wụ́ ka â nyị Ụhwẹ Ọnịnị.”

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 3:13

Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Aniroomi 8:9

Ama Ụhwẹ Ohomorihi ọ̀ọ yà ịnị ayị ẹwụ nịnị, wẹ yị kụkụ sị ayị tụ́ ịnị ịsa ọnị ọchẹngụ awụ nịnị sì kẹnẹ. Ịsa ene zé Ụhwẹ Ohomorihi eyi, ụ sị ayị tụ́ ịnị anị nịnị nị. Aza ọnị Ụhwẹ Ikirisiti ọ̀ yị yà ịnị ayị anị, ẹ yị vị aza anị ẹ vị.

2 Anịkọrịntị 3:8

Ịjị Ụhwẹ Ohomorihi àaa mẹ̀ ụkọrọ, aanị ka igirima anị é yi vee huna avọọ ẹtẹẹtẹrẹ?

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.