Ịjọọnụ 7:26 - IWE ỌNỊNỊ

²⁶ Wee re! Ọnị aa kà ịrẹyị eyi ịnọyị-ịnọyị, dị ẹ̀ yị nyị ọza ana kanyị ọọ aanị nọ! Ẹwáá ka vị ọdọvịdị nịnị sị dọ ka ịzẹyịza ọnị ọ vị Ikirisiti ọnọọ nị?

Ịjọọnụ 7:26 ပူးပေါင်းရင်းမြစ်များ

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ayịsaya 42:4

Ẹ yị vaa tụ ọ, ẹ yị vee du ọ eyi; Ọ vaa mẹ̀ ka à kụkụụ mẹ̀ ịsa ana vọrọ ịnị ẹhẹ, dị anẹkụra ọsa nịnị kukuu ee zi ka ọ̀ va zụ ẹnị ịsa.”

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Iruuku 23:13

Dị Ipayireti hị́ ohirẹsụ ẹbanyị irehi Ohomorihi ọnịrị ọdọvịdị nịnị beri aza ana vọ gụ nị.

Iruuku 7:30

Ama Anihwarisi nịnị ọnịrị ọzwọzọda nịnị ẹ yị dọ ịsa oni Ohomorihi sì ka ọnị ọ̀ mẹ yị wa; ẹnịnị ẹ yị zẹẹ ka Ịjọọnụ ọ̀ mẹ̀ ọyịhwọzenyi yị ẹnị.”

Ịjọọnụ 12:42

Ama â hyakụ nyị ọdọvịdị Aniju nịnị ọrụrụ-ọrụrụ ana rẹ sị ayị tụra Ijeesu. Ama ẹnịnị ẹ yị sị tụra eyi agụvị Anihwarisi nịnị. Eyee hí angwa ka a va dụ ẹnị hụụnị irehi Ohomorihi Aniju nịnị.

Ịjọọnụ 18:20

Dị Ijeesu tụ́ ohi, dị ọ ka, “Ịnị eyigede mị yàā kà ịrẹyị amịị yị avaba anẹhẹ nị. Ini irehi Ohomorihi mị yàā zụ̀ aza ịsa nị, ọnịrị ini irehi Ohomorihi ịzị Aniju nịnịị̄ kụ́ gụ. Ẹ yị nyị ịrẹyị amị ọnị mịị̄ kà ini ewere.

Ịjọọnụ 3:1

 nyị Anihwarisi ọnya aanị, ana aā hị́ Inikodemọsị. Ọdọvịdị Aniju nịnị nị ọ́nị rẹ vị.

Ịjọọnụ 4:29

“Vẹ nịnị, ve re ọnọrụ ọnya, ana kà a yị mị bemi, avaba ịsị mị vịdị mẹ da. Ẹwáá ka ọnị ọ vị Ikirisiti ọnọọ nị?”

Ịjọọnụ 7:25

Dị Anijerusarẹmị ẹnyị ka, “Aanịka ẹ yị vị ọza ene eyee sì ka ẹnị ẹ̀ wụ yị?

Ịjọọnụ 7:31

Ama aza ọrụrụ-ọrụrụ ịnị ọkọnị aza ẹnẹẹ ệ sị ayị tụra a, dị ẹ ka, “Áá nyị Ikirisiti ana kụkụ vaa vẹ, ana ahịka ọ kụkụ vaa mẹ̀ ụkọrọ apọtẹrẹwa ene huna ana ọza ọnọnị aa mẹ aanị?”

Ịjọọnụ 7:48

Áá nyị ọdọvịdị nịnị, àa vị Anihwarisi nịnị oni u re ka ộ dọ ọ wụ́ da?

Ịjọọnụ 9:22

Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Anihwiripi 1:14

Ịnị ẹngwa ọnị mị yà aanị, ọ raà mẹ ka anda ayị ọrụrụ-ọrụrụ e che ayị za Ananyị yị hu avọọ, dị ẹ̀ kụkụ nyị ọtụtụrụma hu avọọ, dị ẹyaa kà ịrẹyị Ohomorihi, di è yi hí angwa nị.