Ịjọọnụ 7:12 - IWE ỌNỊNỊ

¹² Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Ịjọọnụ 7:12 ပူးပေါင်းရင်းမြစ်များ

Imatiwu 10:25

Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 21:46

E mèe sì oze ka ẹnị ẹ̀ za a, angwa aza ee hí wa, agụvị ka ệ dọ ka ọnịsẹ ọ vị nị.

Imatiwu 27:63

Dị ẹ ka, “Ọga, yâ tamayị ka ovenọza ọnọọ mẹ̀ yà ẹhẹ, ộ kà a ka ịhyẹgwẹta ọnị ọnị sú, ọnị rẹ vaa haa kwẹẹtẹ.”

Iruuku 18:19

Dị Ijeesu kà a yọ ka, “Sị ẹ vẹ dị waa hị́ mị Nda ọyịza? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ.

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Iruuku 23:50

 nyị ọza ịnya aanị ana aā hị́ Ijosẹẹhụ, ọnyara ọ vị ịnị anikootu nịnị nị. Ọza ọyịza ọ vị, dị ọ rẹẹ̄ mẹ̀ ebira ana vọrọ nị.

Iruuku 6:45

Ịsa ọyịza ana yà ịnị ayị ọza ọyịza, ọọ̄ mẹ̀ ka ọ̀ọ mẹ̀ ebira ozoza nị. Ịsa odivi ana rẹ yà ịnị ayị ọza odivi, ọnị ọ rẹẹ̄ mẹ ka ọ̀ọ mẹ̀ ebira odivi nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.”

Iruuku 7:16

Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Ịjọọnụ 6:14

Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”

Ịjọọnụ 7:32

Anihwarisi nịnị ệ wụ́ ka aza tangwa vavọọ aa kà ịrẹyị Ijeesu. Agụvị avọọ dị ẹnịrị ohirẹsụ ẹbanyị irehi Ohomorihi tụ́ iporisi irehi Ohomorihi ka ẹ̀ na za Ijeesu vẹ nị.

Ịjọọnụ 7:47

Dị Anihwarisi nịnị tụ́ ohi, dị ẹ ka, “Vị ọ́ọ́ rẹ sị ẹwụ nịnị vene bẹẹ nị?

Ịjọọnụ 7:52

Dị ẹnịnị ka, “Anigariri ẹwụ wáá rẹ vị nị? Na zama Iwe Ohomorihi re, di u we re ka ẹ̀ yị nyị ọnịsẹ ikonya ana chị hụrẹ Igariri vẹ da.”

Ịjọọnụ 9:16

Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.

Odeyi 11:24

Ịbanabasị vị ọza ọyịza. Ụhwẹ Ọnịnị ộ dọ avaba ayị anị, dị ọ rẹ sị ayị tụra Ohomorihi ẹtẹẹtẹrẹ nị. Ohomorihi ộ kụ́ aza ọrụrụ-ọrụrụ va yị ẹngụ anị.

Aniroomi 5:7

Ộ tụ́ akanya, dị à nyị ọza ana dọ ka ọnị hyakụ ee súu yị ọnịzẹyịza. Àa daka vavọọ nyị ọza, ọnịzẹyịza obooro ọ vaa dọ ka oni ò sú yị nị.

Anihwiripi 2:14

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị.