Ịjọọnụ 6:54 - IWE ỌNỊNỊ

⁵⁴ Ọza tụra ọza ana àa rị ọchẹngụ amị, di o re hú anya amị nị, ọnọọ ọ raà mẹ ka ọ̀ yàra pooro zịna-zịna. Mị vaa haa hụụnị isu ịnị ẹkụhị ọdịrẹma,

Ịjọọnụ 6:54 ပူးပေါင်းရင်းမြစ်များ

Ahẹ Ụgama 22:26

Onosiye nịnị vaa rị ịsa dị ịnẹ ha wa; avaba aza ana àa ká Ẹnẹyịmavara vẹ, vị ana vaa gama a. Vi o vee zee yị wa pooro nị.

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.

Ịjọọnụ 6:55

agụvị ka ọchẹngụ amị ọ vị ịsọyịrị obooro nị, dị anya amị ọnị rẹ vị ịsa obooro ana a vọrọ ka ọza ò hù nị.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.