Ịjọọnụ 5:7 - IWE ỌNỊNỊ

⁷ Dị ọnịkụ ọnọọ tụ́ ọ ọ ohi, dị ọ ka, “Ọga, mẹ yị nyị ọza ana a vọrọ ka ọ̀ sị mị na ngụ ini enyi ọnọnị, àa sị ọọ vara. Màaa vụrị ka ma na, dị ọza ẹnẹsa wụsẹ sị dọ ọvịdị amị na ngụ ọ.”

Ịjọọnụ 5:7 ပူးပေါင်းရင်းမြစ်များ

Ahẹ Ụgama 142:4

M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

Ahẹ Ụgama 72:12

Oniruwa ọnịrị aza ana aa sị ụyaa rị dị ẹ̀ yị nyị ọnọgụvọ ene nowu na za a vi ọnị ọ vaa dọ ọ tụ́.

Ịjọọnụ 5:2

 nyị adagu ọnya aanị, ana gụrị Oze Atẹmẹ Íjerusarẹmị. Aā hị́ adagu ọnọọ Ịbẹtịsata ịnị ẹkụra Anihiburu nịnị. Ajẹngụ ẹẹhị e hi ịzọọ nị.

Ịjọọnụ 5:3

Ịnị ajẹngụ ẹnẹẹ, ọnịkụ ọrụrụ-ọrụrụ vị anaā gwẹtẹ ịzọọ: Ogweyi, oswahụ ọnịrị oswẹngụ nịnị. [Eyee zí ka à va vara enyi ọnọọ.

Ịjọọnụ 5:4

 nyị anggẹẹrị ọnya aanị eneē chíi nọ ini enyi ọnọọ ịnị ụmẹ ẹnyị, dị ọ na vara a. Ọ̀ọ vavọọ sị ọọ vara, ọza tụra ọza ana àa vịdị ngụ ini enyi ọnọọ, ịsa tụra ịsa ana àa zị ọọ vị ana aa ta.]

Ịjọọnụ 5:6

Ijeesu ô re e ka ọ hụtụ ịzọọ, ọ rẹ yẹ ka o si kù ẹnẹ ẹngụ hụrẹ aa zị ọọ. Dị Ijeesu kà a yọ ka, “Wéé sì ka ẹngụ awụ ọ̀ ta?”

Aniroomi 5:6

Ịnị ụmẹ ọnị yẹ̀ yị zụ gụ ẹngụ ayị ụvọ, Ikirisiti ộ vẹ, di o ve sú yị ẹyị aza edivi ịnị ụmẹ oni Ohomorihi nyị nị.

1 Anịkọrịntị 9:24

Wâ yẹ nịnị ka àa ka è ne zwe echi, ọzọza vee zwe, ama ọza ịnyara ọ vaa yịị sị ịsa ọdọvịdị nị. Waa vavọọ sị avaba ụkata awụ nịnị zwe echi, agụvị wa dọ ịsa ọnịpaapa nịnị.

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.