Ịjọọnụ 5:44 - IWE ỌNỊNỊ

⁴⁴ Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Ịjọọnụ 5:44 ပူးပေါင်းရင်းမြစ်များ

2 Ịtọpa 6:8

Dị Ẹnẹyịmavara sị ohi yọ kà ô zoza ka ada anị o si ka ọnị ọ dà irehi yị ọnị.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

Iruuku 19:17

Dị ọga anị kà a yọ ka: ‘Akọrọ, ozi ahụ obooro! Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ohinọyị tụ́ ịrẹsụ ẹkụra ẹẹwụ.’

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 3:20

Ọza anaā mẹ̀ ịsa odivi, o mē sì ịrẹyị ẹtohweyi, ọ mā rẹ vẹ ịnị anị, agụvị ka e ve re ịsa odivi ana aa mẹ.

Ịjọọnụ 5:41

“Mẹ yị dụ ka aza ẹ̀ẹ ga mị.

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Aniroomi 2:10

Ohomorihi rẹ vaa sị igirima ọnịrị ụbanyị beri ẹngwọọrọọ yị avaba aza ana àa mẹ̀ ịsa ene zoza. Aniju nịnị o re vịdị vee tù nị, di ò re ve tù avaba aza ana vọ ẹnẹ ẹ̀ yị vị Aniju,

Aniroomi 2:29

Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

2 Anịkọrịntị 10:18

Ọza ana àa ga ẹngụ anị, ọza ọ mā kà ọdaa yọ, ẹ̀ yị vị ọza ọnị Ananyị yị ga.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

1 Anịtẹsaronika 2:6

Yẹ yị kà ka ọzọnyị-ọzọnyị ọ̀ ga yị, ọ̀ọ vị ẹwụ nịnị, ọ̀ọ vị aza ẹnẹsa. Anka odeyi Ikirisiti, ya yaanị re oze kà a ka wa sị ịsa ana vọrọ yị nịnị.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Ijemiisi 2:1

Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

1 Ịsamụwẹrị 15:30

Dị Ịsọọrụ tụ́ ohi dị ọ ka, “Mâ yẹ ka ma sị akụvị mẹ, ama navọ asị ụ mẹ̀ ụhị nyị mị ịnị eyi ọdọvịdị aza amị ọnịrị Anisirẹrị. Navọ wa saasa mị varẹma dị ma na hẹkẹ Ẹnẹyịmavara ana vị Ohomorihi awụ.”

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.