Ịjọọnụ 5:4 - IWE ỌNỊNỊ

⁴ Â nyị anggẹẹrị ọnya aanị eneē chíi nọ ini enyi ọnọọ ịnị ụmẹ ẹnyị, dị ọ na vara a. Ọ̀ọ vavọọ sị ọọ vara, ọza tụra ọza ana àa vịdị ngụ ini enyi ọnọọ, ịsa tụra ịsa ana àa zị ọọ vị ana aa ta.]

Ịjọọnụ 5:4 ပူးပေါင်းရင်းမြစ်များ

2 Ohinọyị 5:10

Erisa ộ tụ́ ozida anị ọnya ka ọ̀ na kà a yọ ka, ọ̀ nọ ini Okuha Ịjọdanị, dị ọ̀ na hụ enyi ụpẹ ịhịmba ịzọọ; ka ụkụ anị vaa ta saka-saka, dị ẹngụ anị nịya.

Ahẹ Ụgama 119:60

Obooboro mị vaa saasa ọda awụ nị, mẹ yị vaa za a tụra ẹtẹ.

Ụhịrẹyị 6:4

Asị u du ụmẹ ha, asị ụ sụ ara tụra ịrẹsụ.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ezikẹẹrị 47:8

Ezikẹẹrị ka ọnọrụ ọnọọ ộ kà a yị ọnị ka, ozi-ọza, aanị enyi ọnọnị mee sì zi oze eyi ọnị ọyịị̄ zịị vẹ naa ngụ ẹtẹ Ijodani nị, dị ọ hụụ ịzọọ na ngụ ịnị oku ọnị ịsaā sú vaa hi nị. Ịjị enyi ọnọnị òo tu ini òkū ọnọọ, dị ọ mẹ ka eni ini òkū ọnọọ ana vị anaanọ, ọ̀ vara enyi ọyịza.

Ihoseya 13:13

Ẹnịnị aa mẹ ụra anka ozi ene yi ka ọnị ẹ yị jịnẹ hụụnị ihi ozi ọnyị anị avọọ nị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ịzakaraya 14:8

Ịhị ọnọọ ẹnyị vee si hụrẹ Ijerusarẹmị, dị achẹva anị aa nọ Irehu Anọ, dị ọsa aa nọ Irehu Imeditareniya Avọọ o me vee si ịnị ị̀rẹ̀sụ̀ ọnịrị ọhahị pooro nị.

Imatiwu 11:12

Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Iruuku 13:24

“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ.

Iruuku 16:16

“Ọda Imosiisi ọnịrị ịrẹyị ọnịsẹ nịnị ẹ́ jẹẹ pooro ve tù ụmẹ Ịjọọnụ ọhwọzenyi. Hụrẹ ụmẹ ọnọọ a hụrẹ aa kà enube ọyịza ka Ohomorihi aa mẹ ịjọva nị. Ọzọza aa vụrịị sị ụkataa ngụ ọọ.

Ịjọọnụ 5:3

Ịnị ajẹngụ ẹnẹẹ, ọnịkụ ọrụrụ-ọrụrụ vị anaā gwẹtẹ ịzọọ: Ogweyi, oswahụ ọnịrị oswẹngụ nịnị. [Eyee zí ka à va vara enyi ọnọọ.

Ịjọọnụ 5:5

 nyị ọnọrụ ọnya aanị ịzọọ, ọnị ụkụ hụrẹ za hụrẹ ịrayị ohurẹẹwụ tụra ịhịnta.

Ịjọọnụ 5:7

Dị ọnịkụ ọnọọ tụ́ ọ ọ ohi, dị ọ ka, “Ọga, mẹ yị nyị ọza ana a vọrọ ka ọ̀ sị mị na ngụ ini enyi ọnọnị, àa sị ọọ vara. Màaa vụrị ka ma na, dị ọza ẹnẹsa wụsẹ sị dọ ọvịdị amị na ngụ ọ.”

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.