Ịjọọnụ 5:39 - IWE ỌNỊNỊ

³⁹ Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Ịjọọnụ 5:39 ပူးပေါင်းရင်းမြစ်များ

Ahẹ Ụgama 1:2

Ọnị vị ene eē si ka ọnị ọ̀ọ saasa avaba ọda Ẹnẹyịmavara. Vi oō sì ka ọnị ọọ kà a, dị ọnị ò ree ro ịrẹyị tụra a ịnị avaba ụmẹ nị.

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 133:3

Vị ọ rẹ sị mẹẹ ka vi eguhi eneē chire hi ịrẹsụ ataba Ihamọnị avọọ ee chire hi ịrẹsụ ataba nị. Ịzọọ Ẹnẹyịmavara yà kà a ka ọnị vaa mẹ ka à ka ọnị vaa mẹ ka ò zee yị aza anị. Ize ọnọọ ọ vị ka ẹnịnị vaa yàra pooro zịna-zịna.

Ahẹ Ụgama 16:11

Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.

Ahẹ Ụgama 21:4

Ohinọyị ộ pà ka wa sị ụhwẹ ọgọdọ yị ọnị ịzẹyịza dị ụ sị yọ nị Wâ sị ụhwẹ ọgọdọọ yọ ka ọ̀ yàra pooro zịna-zịna.

Ahẹ Ụgama 36:9

Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ayịsaya 34:16

Na ka iwe Ẹnẹyịmavara di wee re ịsa ọnị ọ̀ vaa mẹ. Ẹ yị nyị inomi ọnịrị uye ene vee vu, ẹ yị ọnị ẹyị vaa nyị ọnọhụva. Ẹnẹyịmavara o reè wo oto anị. Ọnị ụvọta vaa sị ọ sị.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Ịmaakị 10:3

Di o tụ́ ohi, dị ọ ka, “Sị Imosiisi mẹ ọda anị yị wụ nịnị?”

Ịmaakị 12:10

Aanịka wẹ yị kà Iwe Ohomorihi ana kà a ka: ‘Ịrẹta ọnọ ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị.

Iruuku 16:29

Dị Abụrahamị kà a yọ ka: ‘Ẹyịnyara awụ ệ nyị ịrẹyị Imosiisi ọnịrị ọnịsẹ nịnị, ẹ̀ wụ́ ịrẹyị ẹnẹẹ!’

Iruuku 16:31

Dị Abụrahamị kà a yọ ka: ‘Ẹ̀ yị wụ́ ịrẹyị Imosiisi ọnịrị ọ́ọnịsẹ nịnị, ọza ọ̀ọ daka hụụnị eku na kà ịrẹyị yị wa, ẹ yị rẹ yaa yịị wụ́.’ ”

Iruuku 24:25

Dị Ijeesu va aa kà a yị wa ka, “Ho! Wâ vị ọnụra nịnị, oo! Wa mā hụra dọ avaba ịrẹyị ọnị ọnịsẹ nịnị kà wụ́ụ?

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ịjọọnụ 1:45

Ihwiripi oni o re re ọza ịnya aanị ana aā hị́ Inatanẹrị. Dị Ihwiripi kà a yọ ka, “Ọza oni Imosiisi chẹrẹ ịrẹyị anị tụ́ ini iwe ọda, dị ọnịsẹ nịnị ẹnị rẹ chẹrẹ ịrẹyị anị, ye si o re. Ọnị ọ vị Ijeesu Anịnazarẹtị, ana vị ozi Ijosẹẹhụ nị.”

Ịjọọnụ 5:32

Ama a va nyị ọza ẹnẹsa ana aa dọ ivenuu tụ́ ịnị ịrẹyị amị; mâ yẹ ka ivenu ana aa dọ ọ tụ́ ịnị ịrẹyị amị vị ịzẹyịza.

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

Ịjọọnụ 5:46

Wàa yaanị dọ Imosiisi wụ́ nịnị, ụ yaanị rẹ dọ mị wụ́ nịnị, agụvị ka Imosiisi vị ana vịdị chẹrẹ ịsa tịtẹ ini oze amị.

Ịjọọnụ 7:52

Dị ẹnịnị ka, “Anigariri ẹwụ wáá rẹ vị nị? Na zama Iwe Ohomorihi re, di u we re ka ẹ̀ yị nyị ọnịsẹ ikonya ana chị hụrẹ Igariri vẹ da.”

Odeyi 13:27

Aza ene hi Ijerusarẹmị beri ọdọvịdị ẹnịnị ẹ yị yẹ ẹngụ ọza oni Ijeesu vị. Ẹnịnị ẹ yị rẹ yẹ ịrẹyị ọnịsẹ nịnị ana aa kà ẹkụhị ụhwọtụ-ẹkụhị ụhwọtụ. Ama ệ mẹ ka ịrẹyị ọnịsẹ nịnị ọ̀ sẹ, ẹ mẹ̀ jị ịvị isu yị Ijeesu.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Odeyi 26:27

Taarụ, Agiripa, wáá dọ ọnịsẹ nịnị wụ́? Mâ yẹ ka wâ dọ wa wụ́.”

Aniroomi 1:2

Ohomorihi ộ mẹ̀ ka ọnịsẹ nịnị ẹ̀ vịdị kà a tịtẹ ini iwe Ohomorihi ka a vaa kà enube ọyịza ọnọọ.

Aniroomi 3:2

Ohi amị ọ vị ka ọ́ọ nyị ọgụ ẹtẹẹtẹrẹ ini oze tụra oze. Ịpaapa da, Aniju nịnị Óhomorihi sị ịrẹyị anị chire ụvọ nị.

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.

Iwe Ọhụhị Imosiisi ana aa hị́ Ọyịvatụrọda 32:47

Ọda ẹnịnị ẹ yị vị ịrẹyị aahị ọ vị. Ọnị ọ vị ụkata ẹnẹ ẹ vaa sị ra ẹhẹ ẹnịnị nị. Ọnị ọ zụ mẹ ka e ku orubo ịnị ẹtẹ ọnị ẹ vaa jịnẹ Okuha Ịjọdanị na dọ aanị nị.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Anihiburu 11:35

Anyẹnẹẹ ẹnyị ê re ka aza ẹnịnị ene vịdị sú, ẹ sị ha hụụnị isu và ká wa vẹ. Â sị ụya rị aza ẹnyị ẹtẹẹtẹrẹ, ẹ yị dọ ka à hụrẹ ẹnị ụvọ, agụvị ka eyee zí eyi ka ẹnị vaa haa kwẹẹtẹ dị ẹnị ẹ̀ ngụ ịnị ẹhẹ ene zoza hu aanị.

Ijosuwa 1:8

Di Ẹnẹyịmavara rẹ ka asị ọ zẹẹ ka Iwe ọda ọnị ọnị sị yị ọ avọọ, ọ hụrẹ ẹ ụvọ o! Ọ kà ọ̀ sịị tụ́ irenu jị ahẹ pooro, ọọdụ ọnịrị ịrahụ, agụvị di ò si eyi pè e, dị ọ mẹ avaba ịsa ana a chẹrẹ hi ịnị anị. Ọ kà ịjọnọọ o vee ree mẹ ịnị ịsa ọnị ọ̀ọ ka ọnị aa mẹ nị, di ee zee yọ.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.