Ịjọọnụ 5:34 - IWE ỌNỊNỊ

³⁴ Ẹ yị vị ka vị ẹmị vị ene ee sì ivenu aza nị; ọsọnị vị ọnị maa kà kẹnẹ, agụvị dị ụ wa nyẹngụ há nịnị.

Ịjọọnụ 5:34 ပူးပေါင်းရင်းမြစ်များ

Iruuku 13:34

“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị.

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 5:32

Ama a va nyị ọza ẹnẹsa ana aa dọ ivenuu tụ́ ịnị ịrẹyị amị; mâ yẹ ka ivenu ana aa dọ ọ tụ́ ịnị ịrẹyị amị vị ịzẹyịza.

Ịjọọnụ 5:41

“Mẹ yị dụ ka aza ẹ̀ẹ ga mị.

Ịjọọnụ 8:54

Dị Ijeesu ka, “Àa vị ẹmị ụvọta aa sị ụbanyịị yị ẹngụ amị nị, ẹngụ ụbanyị ọnọọ vị ịyẹyẹ. Ada amị aa sị ụbanyịị yị mị nị. Ada amị ọnọọ ụ ka ộ vị Ohomorihi awụ nịnị nị.

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.

Aniroomi 10:21

Ama ini oze Anisirẹrị nịnị Ohomorihi ọ va kà a ka, “Eyinị-eyinị maa sịị tana ụvọ ka ma sị sị anakamawụ ẹnẹnị, anaā và mị ị̀karenu aanị nị.”

Aniroomi 12:21

Asị ụ zẹẹ ka ịsa odivi ọ̀ nyị ẹbẹẹba awụ nịnị; ama ẹwụ nịnị ọ̀ sị ịsa ozoza nyị ehuna ịsa odivi nịnị!

Aniroomi 3:3

À kà a ka aza ẹnyị ẹnịnị ẹ yị dọ ịrẹyị ọnọọ wụ́, vị ọnọọ wáá zụ mẹ ka asị Ohomorihi ọnị rẹ kụkụ nyị ịzẹyịza nị?

1 Anịkọrịntị 9:22

Mèe re tù ịdị aza ẹnẹ ẹdọwụ ẹnịnị ẹ̀ yị vavọọ katẹngụ, dị mị sị ẹngụ amị tụ́ udi ẹnịnị, agụvị ma zụ mẹ ka ẹ̀ dọ Ijeesu Ohinọyị oni Ohomorihi nyị ka ọ̀ dọ yị há wụ́ hu avọọ. Udi tụra udi oni mèe ne tù ọza, dị mị rẹ sị ẹngụ amị tụ́ udi ọnọọ. Mị vavọọ aa mẹ ịsị màa zụ mẹ, ka ịsavọọ ma zụ mẹ ka à dọ aza ẹnyị há.

1 Itimoti 4:16

Sị eyi pe ẹngụ awụ ọnịrị ịsa ọnị ụ waa sịị zụ̀ aza! Waa yịị mẹ̀ ịsa ẹnẹẹ, agụvị ka wàaa mẹẹ, ụ vaa dọ ẹngụ awụụ há ọnịrị aza ana aa wụ́ ịrẹyị awụ.

1 Ịjọọnụ 5:9

Ọza ọ̀ọ dọ ivenu tụ́ ịnị ịrẹyị ọnya, ịị̄ dọ ọ. Yẹ ka Ohomorihi ọ̀ọ dọ ivenu tụ́ ịnị ịrẹyị, ọnị ọ jẹẹ hu nị. Ohomorihi ọnị ụvọta ọ dọ ivenu tụ́ ịnị ịrẹyị ẹnẹnị ana a kà ịnị oze Ozi anị nị.