Ịjọọnụ 5:30 - IWE ỌNỊNỊ

³⁰ Ijeesu ọ rẹ kà a ka, “Ẹ yị nyị ịsị mị nyẹngụ dà mẹ yị ẹngụ amị. Óhomorihi ọ̀ọ mẹ̀ ka ma mẹ̀ ọkarẹyị, m maa mẹ̀ ẹ nị. Agụvị avọọ ịzẹyịza m maa sịị mẹ̀ ọkarẹyị amị nị, agụvị ka ẹ yị vị ịsa ene zé mi eyi kẹnẹ m mee sì, ama ịsa ene zé Ada amị ana tụ́ mị vẹ ẹhẹ eyi m mee sì nị.

Ịjọọnụ 5:30 ပူးပေါင်းရင်းမြစ်များ

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ayịsaya 28:6

Ẹnẹyịmavara vaa mẹ ka aza ana aa mẹ̀ ọkarẹyị ẹẹ mẹ ịzẹyịza. Dị ọ rẹ sị ụkata yị aza ene ee sere ẹkụra ka ẹ̀ zụ dụ ọnịvị varẹma.

Ịzẹhwanaya 3:15

Ẹnẹyịmavara ọ raà za ụya awụ nịnị jẹẹ. Ộ sị ọnịvị awụ nịnị dụ kwooze. Ẹnẹyịmavara ana vị ohinọyị Anisirẹrị jẹ wụ nịnị ịrẹma. Ẹ yị nyị ka we kuku hí angwa nịnị.

Imatiwu 26:39

Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 17:4

Ma raà sị ụbanyị awụ zụ ịnị ẹhẹ, ma raà mẹ̀ ụkọrọ ọnị ụ sị yị mị ta.

Ịjọọnụ 18:11

Dị Ijeesu kà a yị Ipita ka, “Sị ụhwọ awụ chire ịhị anị! Ụ wáá ka asị mị rị ụya ana Ada amị sị mị ka ma rị nị?”

Ịjọọnụ 4:34

Dị Ijeesu va kà a yị wa ka, “Ịsọyịrị amị ọ vị ka ma mẹ̀ ịsa ọnị ọza ana tụ́ mị vẹ ẹhẹ sì, dị ma mẹ̀ ụkọrọ anị ta nị.

Ịjọọnụ 5:19

Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Ịjọọnụ 6:38

agụvị ka mị hụrẹ ẹbẹẹba vẹ ẹhẹ ka ma va mẹ̀ ịsa ọnị ọza ana tụ́ mị vẹ ẹhẹ sì nị. Mẹ yị vẹ ka ma va mẹ̀ ịsa ene zé mi eyi.

Ịjọọnụ 8:28

Dị Ijeesu rẹ kà a yị wa ka, “Ịhị wàa raà sị ẹmị Ozi ọza onigirima tụ́ ẹba, ụ vaa yẹ nịnị ịhị ọnọọ ka ‘Ẹma vị Ẹmị’ nị. Ụ rẹ vaa yẹ nịnị ka mẹ yị dà ịsọnyị-ịsọnyị mẹ yị ẹngụ amị, ama ka ịrẹyị ana Ada amị sị zụ̀ mị, m maa kà nị.

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Ịjọọnụ 8:50

Ẹ yị vị ụbanyị ẹngụ amị m mee sì. Â nyị ọza enee si ụbanyịị yị mị, ọnị ọ rẹ vị ọmọkarẹyị nị.

Aniroomi 15:3

Ikirisiti ọyị hyakụ mẹ̀ ịsa ene ze eyi kẹnẹ. Ama ộ mẹ̀, anka a mẹ̀ vịdị chẹrẹẹ tụ́ ini Iwe Ohomorihi ka ụhụ ana aza aa kụ̀ Ohomorihi, ọ zị vẹ ịrẹsụ anị.

Aniroomi 2:2

Yáa yẹ ka ọkarẹyị oni Ohomorihi mẹ yị ẹngụ aza ana mẹ̀ ịsa ẹnẹẹ, ọ́ọ vọrọ.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.