Ịjọọnụ 5:20 - IWE ỌNỊNỊ

²⁰ Ada amị ô sì ịrẹyị ẹmị Ozi anị, dị aa sị avaba ịsa ọnị ọnị ụvọta aa mẹẹ zụ̀ mị nị. Ọ hyakụ vaa sị ụkọrọ ana banyị hu aanị zụ̀ mị, agụvị di ò zụ hí wu nịnị irenu.

Ịjọọnụ 5:20 ပူးပေါင်းရင်းမြစ်များ

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Imatiwu 4:8

Dị Echu rẹ sị ọọ nọ ịrẹsụ ataba ana nẹba ẹtẹẹtẹrẹ nị, dị ọ sị avaba ẹkụra irenyi-irenyi ene hi ịnị ẹhẹ ọnọnị ọnịrị ụbanyị ẹnẹnị zụ̀ ọ nị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 10:32

Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Ịjọọnụ 14:12

Ịzẹyịza m maa kà a wụ nị, ọza ana àa sị ayị tụra mị, ụkọrọ ọnị maa mẹ̀ aanị, ọ́nị rẹ vaa mẹ nị. Ọ hyakụ vaa mẹ̀ ụkọrọ ana banyị hu ẹsẹnị bẹẹ, agụvị ka maa nọ ịdị Ada amị.

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 17:26

Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Ịjọọnụ 5:21

Anka Áda amị mẹ̀ẹ̄ ha oku hụụnị isu, dị ọ mẹ ka ẹ̀ yàra, avọọ gẹdẹ-gẹdẹ ẹ́mị Ozi anị ọnị mẹ̀ rẹẹ̄ mẹ ka aza oni mèe sì, ẹ̀ yàra nị.

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Ịjọọnụ 5:29

Dị ẹnịnị jịnẹ hụụnị ikuta ẹnịnị vẹ ẹhẹ. Aza ana àa mẹ ọyịza, dị ẹ ha hụụnị isu, dị ẹ kụkụ yàra. Ama aza ana àa mẹ odivi, ẹnị rẹ vaa haa hụụnị isu, dị aa mẹ̀ ọkarẹyị isu yị wa.”

2Ipita 1:17

Óhomorihi Ada anị mẹ̀ sị igirima ọnịrị ụbanyị yọ, yáa wụ́, Óhomorihi ana nyị avaba ụbanyị mẹ̀ kà ịrẹyị, dị ọ ka: Ozi emi yị, mee sì ịrẹyị anị ẹtẹẹtẹrẹ, ịnẹ amị óo hine tù ọ.