Ịjọọnụ 5:19 - IWE ỌNỊNỊ

¹⁹ Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Ịjọọnụ 5:19 ပူးပေါင်းရင်းမြစ်များ

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Oyinyima 1:26

Di Ohomorihi va ka, “Jẹẹ ya mẹ ọza vene ẹngụ ayị, dị ẹ̀ yà anka ị mẹ̀ yà. Ẹnị ẹ vaa vị ohirẹsụ ivovo ene hi ini enyi ọnịrị inomi ene hi ẹbẹẹba ne beri avaba uye nịnị, oweyi, ọbanyị, ini eehi ọnịrị ịnị avị.”

Ahẹ Ụgama 138:3

M mẹ̀ nowu va za wụ, wâ ba mi owu. Wâ mẹ ka ayị amị ọ̀ vị, dị ụ rẹ mẹ ka ma nyị ụkata nị.

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Ahẹ Ụgama 50:6

Anihinẹba aa kà a ka Ohomorihi vị ana aā mẹ̀ ịsa ana vọrọ agụvị ka ọnị ụvọta vị ọmọkarẹyị.

Ọyịkụra 4:11

Dị Ẹnẹyịmavara va ka, “Ẹnị ẹ mẹ irenu yị ọza? Ẹ̀nị ẹẹ̄ mẹ ka ọza ò gu irenu? Ẹ̀nị ẹẹ̄ mẹ ka ọza ò gu ụtọ à vị ka òo re ẹtẹ à vị ka ò gu eyi? Aanị ka ẹ yị vị ọnị Ẹnẹyịmavara?

Ụhịrẹyị 2:6

Ẹnẹyịmavara ọọ̄ mẹ̀ ka ọza ọ yẹ ịrẹyị, dị ọ nyị eyohweyi nị.

Ayịsaya 44:24

Ẹnẹyịmavara ana dọ wụ nịnị ha ka; ọza ana mẹ wụ nịnị tụ́ ịnị ịnẹ ọnyị awụ nịnị ka, “Ẹma vị Ẹnẹyịmavara ana ma avaba ịsa nị. Ẹmị ịnyara ọ mẹ ẹbẹẹba ịzị ọ gana na za nị. Ẹmị ọnọọ ọ rẹ mẹ ẹhẹ ịzị ọ gana na za nị.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Imatiwu 26:39

Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Ịjọọnụ 12:49

Mẹ yị dà ịrẹyị ẹngụ amị kà, Ada amị ana tụ́ mị vẹ ẹhẹ aa kà a mị ịsa a vọrọ ka ma kà nị.

Ịjọọnụ 12:50

Mâ yẹ ka ịrẹyị anị vị anaā mẹ ka ọza ọ̀ yàra pooro zịna-zịna. Agụvị avọọ, ịsa tụra ịsa ọnị màa kà, ịsị Ada amị rẹ sị mị ka ma kà ọ vị ọnọọ nị.”

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 2:19

Dị Ijeesu tụ́ wa ohi, dị ọ ka, “Wèe wú irehi Ohomorihi ọnọnị và hi ẹtẹ nịnị, ịhyẹgwẹta anị, mi vee tenyi ọọ dà.”

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 5:21

Anka Áda amị mẹ̀ẹ̄ ha oku hụụnị isu, dị ọ mẹ ka ẹ̀ yàra, avọọ gẹdẹ-gẹdẹ ẹ́mị Ozi anị ọnị mẹ̀ rẹẹ̄ mẹ ka aza oni mèe sì, ẹ̀ yàra nị.

Ịjọọnụ 6:38

agụvị ka mị hụrẹ ẹbẹẹba vẹ ẹhẹ ka ma va mẹ̀ ịsa ọnị ọza ana tụ́ mị vẹ ẹhẹ sì nị. Mẹ yị vẹ ka ma va mẹ̀ ịsa ene zé mi eyi.

Ịjọọnụ 8:28

Dị Ijeesu rẹ kà a yị wa ka, “Ịhị wàa raà sị ẹmị Ozi ọza onigirima tụ́ ẹba, ụ vaa yẹ nịnị ịhị ọnọọ ka ‘Ẹma vị Ẹmị’ nị. Ụ rẹ vaa yẹ nịnị ka mẹ yị dà ịsọnyị-ịsọnyị mẹ yị ẹngụ amị, ama ka ịrẹyị ana Ada amị sị zụ̀ mị, m maa kà nị.

Ịjọọnụ 9:4

 nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ.

Odeyi 2:24

Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

Aniroomi 6:4

A mẹ mẹ̀ ọyịhwọzenyi yị, vị ọ yà anka ẹyịrị Ikirisiti o dudu wusu, dị e ne ẹyịrị ọ nị. Agụvị avọọ anka ụ́kata Ada ayị ana nyị ụbanyị mẹ̀ ha Ikirisiti hụụnị isu, avọọ ẹ́yị mẹ̀ rẹ vaa nyị ụhwẹ dị ị kụkụ yàra, dị yaa mẹ ẹhẹ ọwọọwa nị.

Aniroomi 8:11

Ohomorihi ọ ha Ijeesu kwẹẹtẹ hụụnị isu nị. Ụhwẹ Ohomorihi ọnọọ ọ̀ọ yà ịnị ayị awụ nịnị, ọnị ana ha Ijeesu kwẹẹtẹ hụụnị isu, rẹ vaa mẹ ka oku awụ nịnị ọ̀ ha kwẹẹtẹ. Ụhwẹ Ohomorihi ọnọọ ana yà ịnị ayị awụ nịnị ọ vavọọ vaa mẹ̀ ẹ nị.

1 Anịkọrịntị 15:12

Ẹ̀ẹ yaa kà ịrẹyị Ohomorihi ka Ohinọyị ọnị ọ nyị ka ọ̀ dọ yị há ộ ha hụụnị isu, sị ẹ vẹ dị aza ẹnyị awụ nịnị aa kà a ka oku nịnị ẹ yị vaa haa hụụnị isu?

2 Anịkọrịntị 4:14

Yâ yẹ ka Ohomorihi ana ha Ananyị yị Ijeesu hụụnị isu, rẹ vaa ha ẹyịị hụụnị isu beri Ijeesu. Dị ọ sị ẹyịrị ẹwụ nịnị na tụ́ ọvịdị anị.

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Anẹhwẹsọsị 2:5

Ị́vị ayị ọnịrị akamawụ ẹngụ ayị mẹ̀ daka yị sị yị wụ, Ohomorihi ọ yị mẹ ka ya varẹma yàra beri Ikirisiti. Ayamva Ohomorihi kẹnẹ ọ sị dọ yị há nị.

Anẹhwẹsọsị 3:16

Maa mẹ̀ aduwa ka Ohomorihi ana nyị ụbanyị ẹtẹẹtẹrẹ ọ̀ navọ Ụhwẹ Ọnịnị anị ọ̀ sị ụkata wụ nịnị, dị ayị awụ nịnị ọ̀ nyị ụkata.

Anihwiripi 3:21

Ọ vaa sị ụkata anị ọnị ọ sị nyị ehuna avaba ịsa, dị ọ sị vara ọchẹngụ ayị ịnị ẹhẹ ọnọnị, dị ọ kụkụ mẹẹ ka ò véné ọchẹngụ anị ana nyị igirima.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

Anikorasi 1:11

Ohomorihi ọ̀ sị ụkata anị, ene huna avaba ụkata yị wụ nịnị, agụvị dị ụ wa nyị ụkata, dị ụ wa rẹ nyị isuuru ini avaba ịsa ana àaa mẹ nịnị;

Anikorasi 1:16

Ini oze anị Óhomorihi zị mẹ avaba ịsa ene hi ẹhẹ ọnịrị ẹbẹẹba nị, ọnị ọ vị ka ịsị yee re ọnịrị ịsị yè yi zụ re, ẹhụụ anggẹẹrị nịnị ana nyị ụkata ọnịrị ọda irenyi-irenyi. Ini oze anị Óhomorihi zị mẹ avaba ịsa nị. Ọnị ọ rẹ mẹ wa yị nị.

1 Anịtẹsaronika 4:14

Yáa dọ wụ́ ka Ijeesu ô sú, dị ọ rẹ varẹma ha hụụnị isu nị. Ya rẹ dọ wụ ka aza ana sị ayị tụra Ijeesu dị e vee sú, Ohomorihi vaa kụ́ ẹnịrị Ijeesuu vaa vẹ.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.