Ịjọọnụ 5:18 - IWE ỌNỊNỊ

¹⁸ Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Ịjọọnụ 5:18 ပူးပေါင်းရင်းမြစ်များ

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imatiwu 12:5

À vị wẹ yị kà a ịnị ọda oni Imosiisi mẹ nịnị ka ịnị ẹkụhị ụhwọtụ ohirẹsụ irehi Ohomorihiī mẹ̀ ụkọrọ ini irehi Ohomorihi, ama dị ẹ yị rị ịvị?

Ịjọọnụ 1:19

Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 10:30

Ẹmịrị Ada amị vị ọnya.”

Ịjọọnụ 10:33

Dị Aniju nịnị tụ́ ọọ ohi, dị ẹ ka, “Yẹ yị hụ agụvị ụkọrọ ozoza ọnyọọnyị ne wu ịrẹta. Ama yee sì ka ye ne wu ịrẹta, agụvị ka waa kà ịrẹyị odivii hi Ohomorihi. Ọza rị ẹyị ị́rẹsụ kẹnẹ ụ vị nị, ama wee sì ka wa sị ẹngụ awụ vara Ohomorihi.”

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Ịjọọnụ 14:9

Dị Ijeesu kà a yọ ka, “Ẹhụ ọnị mị hụrẹ yà pe wu nịnị aanị, wẹ yị yẹ mịị, Ihwiripi? Ọza ene èe re mi, ọ rẹ sị Ada amị re. Sị ẹ vẹ dị ụ kụkụ rẹ ka ma sị Ada amị zụ̀ wụ?

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Ịjọọnụ 5:15

Dị ọnọrụ ọnọọ hụụ ịzọọ, dị ọ na kà a yị Aniju nịnị ka Ijeesu ọ mẹ̀ ọnị ụkụ nị.

Ịjọọnụ 5:16

Agụvị avọọ, dị Aniju nịnị ee be Ijeesu, di eyee sì ka ẹnị ẹ̀ wụ ọọ nị; agụvị ka ộ vavọọ mẹ ịnị ẹkụhị ụhwọtụ.

Ịjọọnụ 5:17

Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ịjọọnụ 7:1

Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.

Ịjọọnụ 7:19

Aanịka Imosiisi ọ yị vịdị sị ọdaa wụ nịnị? Áá nyị ọza awụ nịnị ana saasa ọda ọnọọ? Sị ẹ vẹ di u wee sì ka wa wụ̀ mị nịnị?”

Ịjọọnụ 8:54

Dị Ijeesu ka, “Àa vị ẹmị ụvọta aa sị ụbanyịị yị ẹngụ amị nị, ẹngụ ụbanyị ọnọọ vị ịyẹyẹ. Ada amị aa sị ụbanyịị yị mị nị. Ada amị ọnọọ ụ ka ộ vị Ohomorihi awụ nịnị nị.

Ịjọọnụ 8:58

Dị Ijeesu kà a yị wa ka, “Ịzẹyịza m maa kà a wụ nịnị nị, dị a va yẹ ka aa ma Abụrahamị, mị hụrẹ yà ịzọọ nị.”

Anihwiripi 2:6

Ikirisiti vị ana yà anka Ohomorihi avọọ, ama ẹ yị sị ahụ kà aba ka ọnịrị Ohomorihi ọ̀ọ mẹ ọpa.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:3

Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.