Ịjọọnụ 5:17 - IWE ỌNỊNỊ

¹⁷ Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

Ịjọọnụ 5:17 ပူးပေါင်းရင်းမြစ်များ

Ahẹ Ụgama 65:6

Ụkata awụ ụ sị kụ́ ataba jẹẹ nị Wâ vavọọ mẹ̀ ẹ ka wa sị zụ̀ ịzị ụ nyị ụkata na za.

Ayịsaya 40:26

Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.

Imatiwu 10:29

Wáá yẹ nịnị ka aara ẹẹva eepeni aa hị́ ọọ nị? Ẹ̀ yị vị Ada awụ nịnị ẹbẹẹba hụrẹ ụvọ, ẹ yị nyị ikonya ịnị ẹnịnị ana zụ hụrẹ tịtẹ.

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 5:16

Agụvị avọọ, dị Aniju nịnị ee be Ijeesu, di eyee sì ka ẹnị ẹ̀ wụ ọọ nị; agụvị ka ộ vavọọ mẹ ịnị ẹkụhị ụhwọtụ.

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Ịjọọnụ 9:4

 nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ.

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Odeyi 17:28

Ini oze anị, ị yà nyị ụhwẹ, dị yaa zịị, dị ị yàra nị. Ọjahẹ awụ nịnị ọnya ộ hyakụ kà a ka: ‘Ezi anị ẹ́yị rẹ vị nị.’

1 Anịkọrịntị 12:6

Ohomorihiī mẹ̀ ụkọrọ ịnị ẹngụ ọdọwụ nịnị ini oze irenyi-renyi, ama Ohomorihi ọnyọọnya aa yịị mẹ̀ ẹ ịnị ẹngụ avaba ẹnịnị nị.

Anikorasi 1:16

Ini oze anị Óhomorihi zị mẹ avaba ịsa ene hi ẹhẹ ọnịrị ẹbẹẹba nị, ọnị ọ vị ka ịsị yee re ọnịrị ịsị yè yi zụ re, ẹhụụ anggẹẹrị nịnị ana nyị ụkata ọnịrị ọda irenyi-irenyi. Ini oze anị Óhomorihi zị mẹ avaba ịsa nị. Ọnị ọ rẹ mẹ wa yị nị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.