Ịjọọnụ 5:10 - IWE ỌNỊNỊ

¹⁰ Dị Aniju nịnị kà a yị ọza ana a mẹ ụkụ aanị ka, “Ajịnị vị ẹkụhị ụhwọtụ, ọ! Ẹ yị vọrọ ka waa za odooro zị ajịnị.”

Ịjọọnụ 5:10 ပူးပေါင်းရင်းမြစ်များ

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Ijeremaya 17:21

Ẹnẹyịmavara kà, ẹnịnị ee sì ịrẹyị ẹhẹ ẹnịnị, asị e chema ẹnya ọnyọọnyị ẹkụhị ụhwọtụ. Asị e chema ịsị ọnyọọnyị zị oze ana a zịị̄ ngụ Ijerusarẹmị para hu ẹkụhị ụhwọtụ.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Imatiwu 12:10

 nyị ọza ịnya aanị ana yà ịzọọ ene sú ụvọ. A rẹ nyị aza ẹnyị ịzọọ ene ee sì ka ẹnị ẹ̀ sị ịrẹyị za Ijeesu, dị ẹ họ̀ ọ ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Ịmaakị 2:24

Dị Anihwarisi nịnị kà a yị Ijeesu ka, “Re, sị ẹ vẹ dị ẹyaa mẹ̀ ịsa ọnị ọda ọ̀ yị zẹẹ ka à mẹ ịnị ẹkụhị ụhwọtụ?”

Ịmaakị 3:4

Ịjị ọ vẹ dị Ijeesu kà a yị aza ẹnẹẹ ka, “Áá vọrọ ka à mẹ ọyịza ịnị ẹkụhị ụhwọtụ, à vị odivi? Áá rẹ vọrọ ka à dọ ọza tụ́, à vị a vọrọ ka à wụ̀ ọza nị?” Dị ẹnịnị kú irenu, dị è yi tụ́ ohi nị.

Iruuku 13:14

Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!”

Iruuku 23:56

Dị ẹ varẹma nọ eehi, di e ne tenyi eturare beri ịsa oyisisi oku tịtẹ nị. Ịnị ẹkụhị ụhwọtụ, dị ẹ tụ́ ụhwọ́ nị, anka ọ́da Imosiisi mẹ̀ kà a.

Iruuku 6:2

Anihwarisi ẹnyị aanị ệ kà a yị wa ka, “Sị ẹ vẹ dị ụ waa mẹ̀ ịsa ọnị ọda ọ̀ yị zẹẹ ka à mẹ ịnị ẹkụhị ụhwọtụ nịnị?”

Ịjọọnụ 1:19

Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 5:11

Dị ọnọrụ ọnọọ tụ́ wa ohi, dị ọ ka, “Ọza ana mẹ mị ụkụ, ọ kà a mị ka ma sị odooro amị, dị maa zị ụsẹ nị.”

Ịjọọnụ 5:15

Dị ọnọrụ ọnọọ hụụ ịzọọ, dị ọ na kà a yị Aniju nịnị ka Ijeesu ọ mẹ̀ ọnị ụkụ nị.

Ịjọọnụ 5:16

Agụvị avọọ, dị Aniju nịnị ee be Ijeesu, di eyee sì ka ẹnị ẹ̀ wụ ọọ nị; agụvị ka ộ vavọọ mẹ ịnị ẹkụhị ụhwọtụ.

Ịjọọnụ 7:23

Waa jị ozi ewu nịnị ụvẹvẹnẹ ịnị ẹkụhị ụhwọtụ, agụvị asị ụ jịnẹ ọda Imosiisi nịnị. Sị ẹ vavẹ dị ụ waa kụ́ ayịị hi mi nịnị, agụvị ka mâ mẹ ọza ụkụ saka-saka ịnị ẹkụhị ụhwọtụ?

Ịjọọnụ 9:16

Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.