Ịjọọnụ 4:41 - IWE ỌNỊNỊ

⁴¹ Aza ọrụrụ-ọrụrụ ệ vana sị ayị tụra a agụvị ịrẹyị oni Ijeesu ọnị ụvọta kà yị wa.

Ịjọọnụ 4:41 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Iruuku 4:32

Oze ana aa zịị zụ̀ wa ịsa vị ene hí wa irenu, agụvị ka ịrẹyị anị ộ nyị ụkata.

Ịjọọnụ 4:40

Ịjị Anịsamarịya ẹnẹẹ ve tù Ijeesu, dị ẹ dá ịpẹ yọ ka ọ̀ yà ịda ẹnịnị chee nị. Dị Ijeesu yà ịzọọ mẹ ẹkụhị ẹẹva nị.

Ịjọọnụ 4:42

Dị ẹ kụkụ kà a yị ọnẹẹ ọnọọ ka, “Ẹ ya raà sị ayị tụra a booro aanị, ẹ yị vị agụvị ịrẹyị ọnị ụ kà yị kẹnẹ; ama ẹyị ụvọta ọ sị ịrẹyị anị wụ́, ya sị yẹ ka ịzẹyịza, ọnị ọ vị Ikirisiti, ana vị Ọdọzaha anẹhẹ nị.”

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ịjọọnụ 7:46

Dị iporisi ẹnẹẹ ka, “Ẹẹ̀ yị nyị ọza ana maanị kà ịrẹyị anka ọnọrụ ọnọọ da o.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 8:12

Ama Íhwiripi ọnị mẹ̀ va kà enube ọyịza ịjọva Ohomorihi ọnịrị ịrẹha Ijeesu Ikirisiti yị wa, dị ẹnịnị dọ wụ́, â mẹ̀ ọyịhwọzenyi yị wa, anọrụ ọnịrị anẹẹ ẹnịnị.

Odeyi 8:25

Ịjị Ipita ọnịrị Ịjọọnụ sị ịrẹyị Ananyị yị kà ịzọọ, dị ẹ varẹma aa nọ Ijerusarẹmị nị. Ẹ màa na óze, dị ẹyaa kà enube ọyịza ịnị ẹkụra eweyi-eweyi ene hi Ịsamarịya nị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.