Ịjọọnụ 4:24 - IWE ỌNỊNỊ

²⁴ Ohomorihi vị ọza ọnị ọza ò yi zụ re. Agụvị avọọ aza ana àa hẹkẹ ẹ, â nyị ka ẹ̀ẹ sị ayị ọnya ọnịrị ịzẹyịzaa hẹkẹ ẹ.”

Ịjọọnụ 4:24 ပူးပေါင်းရင်းမြစ်များ

Ahẹ Ụgama 145:18

Ẹnẹyịmavara ộ gụrị avaba aza ana sị ayị ọnya nowu na za a.

Ahẹ Ụgama 50:23

Ohomorihi rẹ ka Ọza ana aā kụ́ ọnị avọ, ọnị vaa yẹ ka aa mẹ̀ ịsọvọ ana sị ụbanyị yị ọnị nị Ọza ene èe tenyi ebira anị, ọnị mị vaa dọ ọ há nị.

Ahẹ Ụgama 51:17

Ọza ana ayị anị du ka ọnị ọ raà mẹ̀ ebira odivi, ẹnị ẹ mẹ̀ ịsọvọ oni Ohomorihi sì nị Ẹnẹyịmavara, ẹngụ ọza ana ayị anị ọ̀ọ vavọọ du, we yi vee yi waa tịtẹ.

Ahẹ Ụgama 66:18

Màa zẹẹ ka ma sị ebira odivi tụ́ ịnị ayị amị, Ẹnẹyịmavara ọ yị yaanị wụ́ aduwa amị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ịjọọnụ 4:23

Ama ụmẹ aa vẹ, ộ hyakụ si tù booro aanị, ana aza ana aa mẹ ahẹkẹ obooro, vaa hẹkẹ Ohomorihi Ada ayị ịnị ayị ọnya ọnịrị ịnị ịzẹyịza. Ẹngụ aza ẹnẹẹ Óhomorihi Ada ayị sì ka ẹ̀ẹ hẹkẹ ọnị nị.

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

2 Anịkọrịntị 3:17

Ananyị yị ọnọọ ọ vị Ụhwẹ Ohomorihi nị. Ịzị Ụhwẹ Ohomorihi ọ̀ọ yà, vị ọzọzaā nyị ẹngụ anị ịzọọ nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.