Ịjọọnụ 4:22 - IWE ỌNỊNỊ

²² Ẹwụ nịnị vị ana aa hẹkẹ ọza ọnị ụ wẹ̀ yị yẹ nịnị; ama àa vị ẹyịị yọ, yâ yẹ ọza ọnị yaa hẹkẹ, agụvị ka ọza ana vaa dọ ọzaa há vị ana vaa hụrẹ ịdị Aniju nịnị ị vẹ.

Ịjọọnụ 4:22 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ẹzịra 4:2

Dị ẹ ne tu Izerubabẹrị ọnịrị ohirẹsụ ovwoovu ka ẹnị ẹ gụ wa ụvọ da irehi ọnọọ nị. Ẹ ka hụrẹ ụmẹ ọnị Esahadoni ohinọyị Anasiriya sị kụ ẹnị vị ịzọọ ẹnị a hẹkẹ Ohomorihi ẹnịnị dị ẹnị raa mẹ̀ ịsọvọ yị ọ nị.

Ahẹ Ụgama 147:19

Ộ sị ịrẹyị anị zụ̀ Ijekọvụ, mị ka avaba ọda anị vị ọnị ọ sị zụ̀ Isirẹrị.

Ahẹ Ụgama 68:20

Ohomorihi ayị vị Ẹnẹyịmavara, Ananyị yị ọ ka asị i sú nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 2:3

dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Odeyi 17:30

Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Aniroomi 11:18

Agụvị avọọ asị ụ na mẹ eyi hi aza anaa dà kwooze anka avọ avọọ! Wàaa mẹ eyi, yẹ ka ayị vị ẹwa vị ẹpa, avọ kẹnẹ ụ vị nị.

Anihiburu 7:14

Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.