Ịjọọnụ 4:11 - IWE ỌNỊNỊ

¹¹ Dị ọnẹẹ ọnọọ tụ́ ohi, dị ọ ka, “Ọga, ịkangga ọnọnị ộ nyịnẹ, wẹ yị rẹ nyị ịsa ana a vọrọ ka wa sị dà enyi; ịzị ụ vaa sị enyi anaā mẹ ka ọza ọ̀ yàra ọnọọ hụrẹ?

Ịjọọnụ 4:11 ပူးပေါင်းရင်းမြစ်များ

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ịjọọnụ 3:4

Di Inikodemọsị tụ́ ohi, dị ọ ka, “Ọza ọ̀ọ sị vị ọzọkụ, a mẹmẹ re kuku zụ tenyi ọọ ma? Vị ọ́ọ́ vị ana zụ ngụ ịnị ịnẹ ọnyị anị, di è re tenyi ọ ma nị?”

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 7:37

Ẹkụhị ọdịrẹma eche ọnọọ, o hu keekere nị. Ịhị ọnọọ, dị Ijeesu kwẹẹtẹ jẹẹ, di o nowu dị ọ ka, “Ọza ene enyi àaa kụ̀, ọ̀ọ ká mịị vẹ, di ò ve hú enyi obooro!

Odeyi 10:14

Dị Ipita ka, “Vụrụ-vụrụ, Ananyị yị. Mẹẹ̀ yị rị ịsa eenyisi, à vị ịsa ẹnẹ ẹ yị nị ọnyọọnyị da.”

1 Anịkọrịntị 2:14

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

Ẹtore 21:6

Dị ọ ka, “A sị ọọ mẹ! Ẹma vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma. Ọza ene enyi àa kụ̀, mị vaa sị enyi ene ee sìi hụụnị enyi ẹtẹ anaā mẹ ka ọza ọ̀ yàra pooro zịna-zịna, yọ ọọhẹ.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.