Ịjọọnụ 3:7 - IWE ỌNỊNỊ

⁷ Asị o hí wu irenu ka mâ kà a wụ ka: ‘Â nyị ka è tenyi wu nịnị ma’!

Ịjọọnụ 3:7 ပူးပေါင်းရင်းမြစ်များ

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Ịjọọnụ 3:12

Màaa kà ịrẹyị ịsa ẹhẹ ọnọnịị yị wụ, dị ụ wẹ̀ yị dọ wụ́ nị; màa kụkụ va kà ịrẹyị ịsa ẹbẹẹba zụ̀ wụ, ụ mẹmẹ vaa dọ ọ wụ́?

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 3:6

Ọza ọnị ọza kẹnẹ ma, rẹ vị ọza kẹnẹ; ama ọza ọnị Ụhwẹ Ọnịnị ọ̀ọ ma, ọza Ụhwẹ Ọnịnị ọ́za ọnọọ vị nị.

Ịjọọnụ 3:8

Ahị vị ana aa tụ́ nọ ịzị èe zé e eyi kẹnẹ. Waa wụ́ ọọ ịrẹyị, ama wẹ yị yẹ ịzị ọ hụrẹ aa vẹ, wẹ yị rẹ yẹ ịzị aa nọ. Avọọ gẹdẹ-gẹdẹ ọ mẹ̀ rẹ yà yị ọza ọnị Ụhwẹ Ọnịnị sị ma nị.”

Ịjọọnụ 5:28

Asị ọnọnị hí wu nịnị irenu, oo! Ụmẹ aa vẹ ana avaba oku nịnị vaa wụ́ ọngwẹ anị.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Anihiburu 12:14

Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.